Mayın 26-da “Kapellhaus”da azərbaycanlı rəssamların əsərlərindən ibarət “Almaniya bir rəssamın gözü ilə” mövzusunda doqquzuncu sərginin açılışı və qaliblərin mükafatlandırılması mərasimi olub.

Kulis.Az Azərtaca istinadən xəbər verir ki, sərgi Almaniyanın Azərbaycandakı səfirliyi, Azərbaycan Dövlət Rəssamlıq Akademiyası “Qız Qalası” İncəsənət Qalereyası və “Berlin-Bakı” Rəsm Qalereyasının birgə təşkilatçılığı ilə keçirilib.

Almaniya səfirliyinin müvəqqəti işlər vəkili Folker Berreshaym gənc rəssamların sərgi-müsabiqəyə təqdim etdikləri əsərləri yüksək dəyərləndirib.

Azərbaycan gənclərinin böyük bacarıq və istedada malik olduqlarını söyləyən diplomat diqqətə çatdırıb ki, budəfəki sərgidə 117-dək əsər nümayiş etdirilir. F.Berreshaym bütün rəsmlərin ustalıqla, böyük zövqlə işləndiyini vurğulayıb.

Bildirilib ki, sərgidə nümayiş olunan əsərlərdə təbiət, mənzərə, güllər, dəniz, ilin fəsilləri, müxtəlif fəlsəfi yanaşma və emosional hisslərin rənglərlə ifadəsi əksini tapıb. Sərgidə rəngkarlıq, yağlı boya, akvarel, qrafika və tətbiqi sənətə aid olan müxtəlif mövzulu portretlər də nümayiş olunub.

Sonda rəsm müsabiqəsinin qalibləri mükafatlandırılıblar.

Sərgi iyunun 12-dək davam edəcək.

• Cem Yılmaz ödənişli abunəliyə başladığını açıqladı
• Bu gün Gənc Tamaşaçılar Teatrında premyera olacaq
• "Qıfıl" filminin çəkilişləri üçün hazırlıqlar başladı