“Azərbaycanda azad seks adı ilə aldadılmış ilk varlıqlar...”

“Azərbaycanda azad seks adı ilə aldadılmış ilk varlıqlar...”
25 oktyabr 2014
# 08:30

Kulis.az Twitterdə azərbaycanlı istifadəçilərin son bir həftə ərzində yazdıqları ən maraqlı tvitləri təqdim edir.

İnternet bir balaca zəif işləyən kimi əsəbiləşirəm. Guya ki, mən Ohio ştatında doğulmuşam, iki gün olar Badamdara köçmüşəm. (Orxan Ata)

“Xoşqədəm belə yaxşı tapırsa, özünə ər tapardı” – zarafatı bağlandı. Xoşqədəm tapdı, qaldı siz. (“Dayı”)

Mənasız kino - çay süzməyə gedəndə pauzanı basmadığın kino (“Dekart koordinatı”)

Sevgidə uduzan qumarda udursa, deməli, “Milan” “Topaz”da qələbə yazsam gələr? (İlkin Hüseyn)

Qiyməli kağızlar üzrə dövlət komitəsində işləyən qız sevəsən, sonra da, sən kağızlara məndən daha çox qiymət verirsən deyib ayrılasan. (İlham Əkbərli)

Dost başa baxar, düşmən ayağa, azərbaycanlı başdan-ayağa süzər. (İlham Əkbərli)

Bu gün mahnının ortasında “big.az” deyən qaqaşla tanış oldum. Söhbətin ortasında da “big.az” zad deyirdi. (Orqal Tanrıverdizadə)

“Petruşka” cəfəri olursa, onda, Petya adlı rus, bizim vətəndaşlığı qəbul eləyəndə, adını Cəfər qoymaq olar. (Orqal Tan)

Qaqaş qızlar haqqında elə məsləhətlər verir ki, elə bilirsən minimum 3 il qız olub. (Orqal Tan)

“Vorovskidən” “vorzakon” çıxandan sonra, Şamaxıdan da “şorzakon” çıxmağı normal hadisədir. (Orqal Tan)

“Birinci o yazsın” – deyə gözləməsəydiniz, indiyə uşağınız olmuşdu. (Rəvanə)

Azərbaycanda azad seks bəhanəsi ilə aldadılmış ilk varlıqlar eşşəklərdir. (Rasim Əfəndi)

İdeal hesab etdiyiniz adamın həmişə elə qalmasını istəyirsinizsə, ona çox yaxınlaşmayın. (Elmin Həsənli)

Hələ bir dəfə də olsun rastıma "Bu mənim şəxsi fikrimdir..." sözlərilə başlayan məntiqli fikir çıxmayıb. (Dj Fateh)

Özümdə apardığım təcrübələrə görə, oğlan qızı əldə edənə qədər həqiqi özü olmur. Maraqlı, alicənab, tərbiyəli, centlmen olur, amma özü olmur. (Mətləb Muxtarov)

Xarici soruşub ki, bəs siz azərbaycanlılar niyə hər şeyə sual verirsiniz? Bizimki də deyib ki, niyə soruşursunuz? (Aqil Quluzadə)

- Sən mənə seksual obyekt kimi baxırsan.

- Yox, əzizim, əslində mən sənə uçan naməlum obyekt kimi baxıram, sadəcə bildirmirəm. (Cavid Ramazanov)

Dial-up bizə səbir etməyi öyrədib (“Dekart koordinatı”)

Qış vaxtı otağımda hələ də ağcaqanad var, dünən dişləmədiyi yer qalmadı. Dirəşib deyəsən. Damarıma su qatıb çalxalayıb içənə kimi əl çəkməyəcək. (Rəsul Zaidov)

# 10059 dəfə oxunub

Oxşar xəbərlər

"Bu, mənəvi korluğun, özündən uzağı görə bilməməyin etirafıdır" - Plagiat qalmaqalı böyüyür!..

"Bu, mənəvi korluğun, özündən uzağı görə bilməməyin etirafıdır" - Plagiat qalmaqalı böyüyür!..

15:00 15 iyul 2025
"Məmləkətdə ən böyük soyğunçu elə qibleyi-aləmin özüdür" - SSRİ-yə meydan oxuyan yazıçı

"Məmləkətdə ən böyük soyğunçu elə qibleyi-aləmin özüdür" - SSRİ-yə meydan oxuyan yazıçı

09:00 15 iyul 2025
“Allah yoxdur, amma Hz. Abbas başqa aləmdir” - Sekulyarizmi tənqid edənlərin məqsədi nədir?

“Allah yoxdur, amma Hz. Abbas başqa aləmdir” - Sekulyarizmi tənqid edənlərin məqsədi nədir?

15:00 14 iyul 2025
"Şpaqat" vəziyyəti - Mübariz Örənin hekayəsi

"Şpaqat" vəziyyəti - Mübariz Örənin hekayəsi

12:00 13 iyul 2025
"Bir erməni dəftərinə onları necə məğlub etdiyimizi yazdım…" - 28 yaşında vəfat edən Həsən Kürün film kimi həyatı

"Bir erməni dəftərinə onları necə məğlub etdiyimizi yazdım…" - 28 yaşında vəfat edən Həsən Kürün film kimi həyatı

11:50 8 iyul 2025
Məni dostlarım öldürdü - Akif Səmədin şeirləri

Məni dostlarım öldürdü - Akif Səmədin şeirləri

12:00 6 iyul 2025
#
#
# # #