Azərbaycan Dövlət Gənc Tamaşaçılar Teatının kollektivi beynəlxalq festivaldan qayıdıb. Mart ayının 26-dan – 4 arrel tarixlərinədək Kolombo Beynəlxalq Monotamaşalar Teatr Festivalında iştirak edən teatr ASSITEY-in Şri-Lanka Mərkəzinin təşkilatçılığı ilə Kolombo şəhərində keçirilən festivalda P.Züskindin “Kontrabas” tamaşası ilə təmsil olunmuşdur.

Tamaşada Resrublikanın Əməkdar Artisti, “Qızıl Dərviş” mükafatı laureatı, rrezident mükafatçısı Şövqi Hüseynov çıxış edib. Əməkdar Artist, teatrin direktoru Mübariz Həmidovun Kulis.az-a verdiyi məlumata görə,sözügedən festitvalda nominasiyalar və xüsusi qiymətləndirmə sistemi olmayıb. «Bizim apardığımız Kontrabas tamaşası diplom və xüsusi mükafatla təltif olundu.

Festivalda teatrlar arasında qarşılıqlı münasibətlər yaranır. Bu festivalın ən yaxşı tərəfidir. Biz Avstriyadan olan bir teatr kollektivi ilə söhbətlər apardıq. Onlar bir kukla tamaşasında yeni bir texniki formadan-proyeksiadan böyük peşəkarlıq və zövqlə istifadə etmişdilər. Onları dəvət etmək və 2014-cü ildə dramaturgi material özümüzdən olmaq şərtilə bizdə də belə bir tamaşa hazırlamaq haqqında razılaşdıq. Məncə bu, bizim teatr msəkanımızda yenilik olacaq». Məlumat üçün bildirək ki, “Kontrabas” tamaşası İran, Türkiyə, Moldova, Rusiya və Ukraynada keçirilən Beynəlxalq Teatr festivallarında yüksək mükafatlara layiq görülmüşdür.

Festival çərçivəsində Şri-Lankanın Battikaloa şəhərində yerləşən Şərq Universitetdə keçirilmiş beynəlxalq konfransda Mübariz Həmidov “Azərbaycan Teatrı – 140” və “Azərbaycan Teatrının dünya teatrları ilə beynəlxalq əlaqələri və dünya teatr məkanına inteqrasiya” mövzularında çıxış edib.

• "Sənin qıyıb öpmədiyin dodaqları o murdarladı" - Toy gecəsi üstü açılan dəhşətli sirr
• Nadir Məmmədli: "Orfoqrafiya lüğəti yaxın vaxtlarda nəşr ediləcək, orfoepiya lüğəti isə..."
• Bakıda “Təsviri sənət kağızda” adlı yaradıcılıq sərgisi açıldı