Kinorejissor Roman Polanski haqqında açılmış azyaşlını zorlama işinin bağlanması iddiası rədd olunub. Cinayət işi 1977-ci ildə açılıb.
Kulis.az rus saytlarına istinadən xəbər verir ki, rejissorun vəkilləri 2008-2009-cu illərdə Polanskinin işinə baxan hakimlərin qanunauyğun olmayan hərəkətlərini qeyd edərək işin bağlanması iddiasını qaldırmışdılar. Lakin məhkəmə müdafiə olunan tərəfin iddialarını və işin bağlanması barədə təklifləri qəbul etməyib.
Hakimlər arqumentlərini bununla əsaslandırıb ki, rejissor azyaşlılara seksual münasibətdə özünü təqsirli bilib, lakin mühakimədən qaçaraq ABŞ-da gizlənməkdə davam edir. Həmçinin qeyd olunub ki, Polanski iddia qaldırmaq üçün Kaliforniyaya gələ bilər.
Rejissor Roman Polanski 13 yaşlı Samanta Qeymerdən seksual zəmində sui-istifadə etməkdə ittiham olunur. 1977-ci ildə hökm oxunmamışdan əvvəl o, həbsxana qospitalında psixi müayinədən keçməyə razılıq verdi. Məlum olanda ki, rejissoru bu işə görə azadlıqdan məhrum etmə cəzası gözləyir, o, Avropaya qaçdı.
Zərərçəkən hələ 1993-cü ildə kompensasiya alandan sonra iddiadan əl çəkmiş və işi bağlamağı xahiş etmişdi. Bununla belə, İnterpolun həbs haqda orderi hələ də dünyanın 188 ölkəsində keçərlidir. Bu orderə əsasən, Polanski 2009-cu ilin payızında İsveçrədə saxlanılıb və 2010-cu ilin iyulunda məhkəmə onu ABŞ-a təhvil verməmək qərarına gəlib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
