Kann festivalında “Qızıl Palma budağı” alan “Yol” filmi 1981-ci ildə çəkildi.

Film bir çox aktyor kimi Tarık Akanın yaradıcılıq karyerasında ciddi rol oynadı. Tarık bəy filmin baş qəhrəmanı Seyid Əlini canlandırırdı. Filmin afişalarına da onun şəkli vurulmuşdu.

Süjet: Film bir həftəliyə həbsdən evə buraxılmış bir neçə məhbusun həyatını nəql edir.

Məhbuslardan biri Seyid Əli evə qayıdanda arvadının fahişəliklə məşğul olduğunu öyrənir. Ailəsi ondan arvadını öldürməklə ləkənin yuyulmasını təkid edir. Seyid Əli əvvəlcə bunu istəsə də, tezliklə fikrini dəyişir.

Amma o, buna nail ola bilmir.

Digər məhbus Mehmet Salih qarətə görə həbsdə yatır. Polis onun qayını olan şərikini güllələyir və günah Mehmetin üstündə qalır. Və ailəsi daha onu tanımaq istəmir. Mehmet arvadı ilə qaçır. Və arvadının ailəsindən olan yeniyetmə tərəfindən ikisi də öldürülür.

Ömər sərhəddə yerləşən kəndinə dönür. O, həbsxanaya dönməmək üçün sərhədi keçməyə cəhd edir. Amma son anda bunu edə bilmir, çünki onun qardaşı qaçaqmalçılığa görə öldürülür və ənənəyə görə o, qardaşının arvadı ilə evləndirilir.

“Yol” art house filmdir. Dokumental, realist manerada çəkilib.

Film 1980-ci il hərbi çevrilişindən sonrakı Türkiyəni göstərir.

Türkiyənin gerçək portreti məhbusların həyatı vasitəsilə təsvir olunur.

“Yol” ölkədə birmənalı qarşılanmadı və 1999-cu ilə kimi qadağan olundu.

Filmin böyük hissəsini rejissor Şerif Gören ssenari müəllifi Yılmaz Güneyin instruksiyasına əsasən çəkib. Çünki o zaman Yılmaz bəy həbsdə yatırdı.

Həbsdən qaçandan sonra Güney filmə baxır və çəkiliş onu razı salmır. O, filmi yenidən işləyir.

“Yol” eyni zamanda fransız tənqidçilərinin də mükafatını qazanıb.

Filmə bu linkdən baxa bilərsiniz: https://www.youtube.com/watch?v=u7HGDE6dGgM

• "Tarix -zaman keçdikcə yalanlara çevrilən həqiqətlərdir..." - Jan Koktodan sitatlar
• Sovet fəhləsindən ispan kralına qədər... - Yeni muzeyimizdə nələr var?
• "Ədəbi tənqidçi amansız oxucu olmaq məcburiyyətindədir..." - Fransız filosofdan aforizmlər