Ağaxan Salmanlı ilə Yasin Qarayevin yubileyi keçiriləcək

Sənət

Ana səhifə
Sənət

Ağaxan Salmanlı ilə Yasin Qarayevin yubileyi keçiriləcək

20 iyun 2016

15:38

İyunun 24-ü saat 15:00-da Xalq artistləri Ağaxan Salmanlı ilə Yasin Qarayevin yubileyləri münasibətilə tədbir keçiriləcək. Gənc Tamaşaçılar Teatrının mətbuat xidmətindən Kulis.aza verilən məlumata görə tədbir Cəfər Cabbarlı adına Azərbaycan Dövlət Teatr Muzeyində baş tutacaq.

Ağaxan Salmanlının 75, Yasin Qarayevin 70 yaşı tamam olması münasibətilə həyata keçiriləcək yubiley tədbiri Teatr Muzeyi və Dövlət Gənc Tamaşaçılar Teatrının birgə təşkilatçılığı ilə baş tutacaq.

Tədbirdə teatrın direktoru, Əməkdar Artist Mübariz Həmidov, Teatr Muzeyinin direktoru Sevinc Mikayılova ilə yanaşı, teatrın aktyorları yubilyarlar haqqında fikirlər səsləndirəcək, xalq artistlərinin rol aldıqları tamaşalardan fotoşəkillər, videoçarxlar nümayiş etdiriləcək.