Abdulla Şaiq adına Azərbaycan Dövlət Kukla Teatrı builki teatr mövsümünü sentyabrın 13-də “Qoğal” tamaşası ilə başlayacaq.

Kulis.az-a bu barədə məlumatı teatrın direktoru Rəşad Əhmədzadə verib.

Rəşad Əhmədzadə Rusiyadan dəvət edilən rejissor Eduard Qaydar və rəssam Tatyana Melnikovanın rus nağılı “Qoğal”ı daha əvvəl fərqli yozumda azərbaycanlı azyaşlılara təqdim etdiklərini və tamaşanın bəyənildiyini söyləyib:

“Sentyabrın 13-də uşaqlar “Qoğal”a tamaşa edəcək, sentyabrın 18-də isə Üzeyir Hacıbəylinin “O, olmasın bu olsun” marionet tamaşası baş rolu Rəhman Rəhmanovun ifasında Kukla Teatrınına gələn tamaşaçılara nümayiş etdiriləcək”.

Teatrın direktoru onu da bildirib ki, sentyabr ayından etibarən Mədəniyyət və Turizm Nazirliyi, Azərbaycan Yazıçılar Birliyi və Dövlət Kukla Teatrının birgə təşkilatçılığı ilə müasir uşaq pyeslərinin hazırlanması üçün yazarlar arasında müsabiqəyə start veriləcək. Müsabiqədə qalib gələn pyes respublikanın bütün kukla teatrlarında səhnələşdiriləcək. Rəşad Əhmədzadə yeni teatr mövsümündə 7 Beynəlxalq Festivala dəvət aldıqlarını da qeyd edib.

10-19 sentyabr tarixlərində Şəkidə I Beynəlxalq Teatr Festivalının keçiriləcəyini də deyən Əhmədzadə sözügedən festivalda Kukla Teatrının da çıxış edəcəyini deyib.

Direktor Kukla Teatrının oktyabr ayında Həştərxanda keçirilən “Xəzər sahilləri” festivalında və Misirdə keçirilməsi nəzərdə tutulan ənənəvi kukla teatrı festivalında da iştirak edəcəyini vurğulayıb.

• İran həbsxanasında Araza poema yazan, Bakını Kəbəyə bənzədən şairlər - Araşdırma
• İnqilab şairləri bir yaz günü öldülər - Rəvan Cavidin yeni şeirləri
• Mətn kameradan güclü olanda... - Rəvan Cavid