Kulis.Az “Planet parni iz Baku” kollektivinin üzvü Cabir İmanovun facebook sosial şəbəkəsindəki səhifəsində yazdığı şən statusları təqdim edir.
“Görkəmli müğənni Kamran Həsənlinin sonuncu konsertində əsl möcüzə baş verib. Belə ki, ön sırada “invalid kalyaskası”nda əyləşmiş əlil uşaq konsertin 3-cü dəqiqəsində ayağa qalxaraq zalı tərk edib”
“Dünən Fransanın paytaxtı Parisdə yaşayan azərbaycanlı tələbələr məşhur kuturye "Giorgio Armani"-nin ofisinin qarşısında mitinq keçiriblər. Bizimkilərin dediyinə görə Giorgio Armani Gürcüstan ermənisidir”
“Bu yaxınlarda "Xəzər Lənkəran" və "Neftçi" komandalarının görüşü nə az, nə çox düz yarım saat yubanıb. Məsələ burasındadır ki, oyunun əvvəlindəki püşk atma mərasimi komandaların kapitanları arasında “reski” qumar oyununa çevrilib. Onu da qeyd edək ki, “Xəzər Lənkəran”ın kapitanı 2 manat 40 qəpik qabağa düşüb”
“Yaxın günlərdə müstəqilliyini elan etmiş Cənubi Sudan Afrika Respublikasına bu yaxınlarda ilk azərbaycanlı turist ayaq basıb. Sabahı gün vətəndaşımız Sudan bazarlarından birində içində 10.000 dollar olan pul qabını itirib. Çoxdandı Cənubi Sudanda bu qədər iqtisadi artım müşahidə olunmayıb”
“Bu gün səhər saat 9 radələrində Yol Patrul Xidmətinin əməkdaşı serjant Ziyanverənov Dövlət Neft Şirkətinin məsul işçisini saxlayıb. “Kəməri niyə bağlamamısınız?” sualına o belə cavab verib:
- Əgər mən kəməri bağlasam bütün Avropa neftsiz qalar”
“Bu yaxınlarda “Formula-1” yarışı üzrə təşkilatçılar ümumdünya qurultayında bu qənaətə gəliblər ki, Azərbaycanda heç vaxt “Formula-1” yarışı keçirilə bilməz. Məsələ burasındadır ki, bizimkilər 5 saniyəyə nəinki təkəri çıxardıb dəyişdirmək, hətta onu satmağı belə bacarırlar”
“Çimərlik futbolu üzrə dünya çempionatında Azərbaycan yığması dünya ictimaiyyətini şoka salıb. Məsələ burasındadır ki, bizim çimərlik futbolçularımız meydançaya qarpız, pendir və araqla çıxıblar”
“Bu yaxınlarda alimlər araşdırıblar ki, qadınsız işləyə bilməyən yeganə həkim ginekoloqdur”
“Respublikanın aparıcı mütəxəssisləri 2012-ci ilə yekun vurublar. Onların fikrincə 2012-ci ildə əhali arasında çap məhsulları içində ən çox tələbat pul əskinazlarına olub”
“Müdafiə Nazirliyinin mətbuat xidməti məlumat verir ki, yaxşı QAİ işçisi peşəkar snayper kimidir. 1-2 uğurlu atışdan sonra dərhal mövqeyini dəyişib, başqa yerdə gizlənməlidir”
“- Salam, Qiymət müəllim, necəsiniz?
- Belə də yavaş-yavaş qalxıram!”
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
