9-11 Oktyabr 2017-ci il tarixində Türkiyənin Qars şəhərində “Birinci Qafqazda Xalq Mədəniyyəti” adlı beynəlxalq konqres keçirilib.

Kulis.azın vediyi xəbərə görə, konqres, bu il 25 illiyini qeyd edən Qars Kafqaz Universitetinin rəhbərliyinin dəstəyi ilə universitetin professoru azərbaycanlı alim Rafiq İmraninin başçılığı altında fəaliyyət göstərən “Aşıq Ədəbiyyatı və Sənəti Araşdırma Mərkəzi” tərəfindən həyata keçirilib. Konqresdə müxtəlif ölkələrdən 150-yə yaxın alim iştirak edib. Onlar iyirmi seksiyada Qafqazda xalq mədəniyyəti, dil və ədəbiyyat, folklor, musiqi, adət və ənənələrlə bağlı hazırladıqları məruzələrlə çıxış edib.

Konqresin ikinci günü Ankara Dövlət Türk Xalq Musiqi Xoru və Ansamblı, İranın Cənubi Azərbaycanlılarından ibarət olan məşhur “Dalğa” qrupu, Gürcüstanın “Axısxa” rəqs qrupu konsert proqramı ilə çıxış edib, əsl bayram-əhval ruhiyyəsi yaradıblar.

Mərasimin sonunda universitet rəhbərliyi tərəfindən konqresin təşkilində xidmətləri olan “Aşıq Ədəbiyyatı və Sənəti Araşdırma Mərkəzi”nin müdiri professor Rafiq İmraniyə, Türkiyədə yeganə Azərbaycan dili və Ədəbiyyatı bölümünün dosenti İlkin Quliyevə və mərkəzin müdir müavini dosent Yavuz Səlim Qafqazyalıya təşəkkürnamə verilib, xatirə hədiyyəsi təqdim olunub.

• Əziz Sancarın Əlişir Nəvai Beynəlxalq Mükafatı ilə təltif olundu
• Körpə Tanrının yaratdıqları - Murad Köhnəqalanın yeni hekayəsi
• Gəncə Dövlət Universitetində Qəşəm Nəcəfzadə ilə görüş keçirildi