Parisdə azərbaycanlı rəssamın sərgisi təşkil olunub

Parisdə azərbaycanlı rəssamın sərgisi təşkil olunub
14 iyun 2019
# 09:42

Ölkəmizin Fransadakı səfirliyinin dəstəyi və Fransa-Azərbaycan Dialoq Assosiasiyasının (ADFA) təşkilatçılığı ilə Parisdə rəssam Əli Seyranın əsərlərinin sərgisi təşkil olunub.

Azərbaycan Mədəniyyət Mərkəzində keçirilən tədbirdə ADFA-nın prezidenti Günel Səfərova ölkələrimiz arasındakı mədəniyyət əlaqələrinə və ortaq xüsusiyyətlərə toxunub. O, ölkəmizin mədəniyyət sahəsinə göstərdiyi diqqətdən, Avropada bir çox mədəniyyət abidələrinin bərpasına verdiyi töhfələrdən söz açıb.

Fransa-Azərbaycan Dialoq Assosiasiyasının (ADFA) fəaliyyəti haqqında ətraflı məlumat verən G.Səfərova deyib ki, bir yaşı olan təşkilat qısa müddət ərzində Azərbaycanın tarixini və mədəniyyətini tərənnüm edən 30-dan artıq tədbir keçirib.

ADFA-nın fəaliyyətinə göstərdiyi dəstəyə görə ölkəmizin Fransadakı səfirliyinə təşəkkürünü bildirən G.Səfərova rəssam Əli Seyranın yaradıcılığına toxunub, onun hələ uşaq yaşlarından rəssamlığa maraq göstərdiyini deyib. Qeyd edilib ki, Belçikada yaşayan rəssam miniatür əsərlərə üstünlük verir. Rəssam Azərbaycanın zəngin incəsənətindən ilhamlanıb.

Vurğulanıb ki, anadan olmasının 650 illiyi qeyd edilən İmadəddin Nəsiminin əsərlərindən ilhamlanan Ə.Seyran bir neçə miniatür çəkib.

Sərgidə ölkəmizin tarixi abidələrini, təbiətini əks etdirən natürmortlar sənətsevərlərin marağına səbəb olub.

# 2453 dəfə oxunub

Oxşar xəbərlər

Xalq yazıçısı həyat yoldaşının əlini öpdüyünə görə kimi döymüşdü?

Xalq yazıçısı həyat yoldaşının əlini öpdüyünə görə kimi döymüşdü?

09:00 1 aprel 2025
Qatı xristian, yoxsa kafir... - Kilsə onu niyə bağışlamadı?

Qatı xristian, yoxsa kafir... - Kilsə onu niyə bağışlamadı?

10:40 31 mart 2025
Mənim Azərbaycan dilim - Aydın Talıbzadə

Mənim Azərbaycan dilim - Aydın Talıbzadə

09:00 18 mart 2025
Üstünə bağırdığım tək kişi – Qadın şairlərimizdən seçmə şeirlər

Üstünə bağırdığım tək kişi – Qadın şairlərimizdən seçmə şeirlər

12:00 8 mart 2025
Mən sənə əlvida demirəm, Niyazi...  - Kamal Abdulla

Mən sənə əlvida demirəm, Niyazi... - Kamal Abdulla

14:05 2 mart 2025
"Ya Rusiya ilə birgə, ya da..." - Rəsulzadənin partiyadan çıxartdığı azərbaycanlı

"Ya Rusiya ilə birgə, ya da..." - Rəsulzadənin partiyadan çıxartdığı azərbaycanlı

15:22 27 fevral 2025
#
#
# # #