Azərbaycan Respublikası Dini Qurumlarla İş üzrə Dövlət Komitəsinin sədr müavini Gunduz İsmayilov kitabxanasını hədiyyə etməyə adam axtarır.

Bunun üçün o, öz Facebook profilində belə bir bildiriş paylaşıb: “Həmişə yaxşı bir kitabxana yaratmaq arzum olub. İndiyədək, xüsusilə ali məktəb və aspirantura illərində xeyli kitab toplamışam. Bu gün işdə və evdə yüzlərlə, bəlkə də, minlərlə kitabım var. Onların bir qismi yaşadığım ünvanları - Pirşağını, Yasamalı, 7-ci mikrorayonu mənimlə birgə gəzib. Ümid edirdim ki, evim olduqdan sonra onlardan babat kitabxana düzəldəcəyəm. Amma artiq ümidim və səbrim qalmayıb. Mən onları ora-bura daşımaqdan, evdəkilər də onların yaratdığı darısqallıqdan bezib. Əvvəl fikirləşdim ki, kitabları bir-bir kimlərəsə hədiyyə edim. Sonra qərara gəldim ki, hamısını bir adama verim. Məncə, bu daha xeyrli olar.Çox düşündükdən sonra qərara gəlmişəm ki, kitabların hamısını müəllimlik etmək üçün ucqar kəndə getmiş bir gəncə hədiyyə edim. İxtisasıma görə kitabların böyük əksəriyyəti dinlə bağlıdır. Ona görə də Bakı Dövlət Universiteti İlahiyyat fakültəsininin məzunları arasında ucqar kənddə dərs deyən varsa, kitabları ona verə bilərəm. Əks halda inboxa kim birinci yazdi, kitablar onundur.

P.S. Ünvana özüm də çatdıra bilərəm.”

• Xarici filmlərin istehsalı ilə bağlı görüş keçirildi
• Keyt Middlton “qorxunc təcrübə”sindən danışdı
• Mədəniyyət Nazirliyi: “Azərbaycanfilm” kinostudiyasının partlayış baş vermiş ərazisinə texniki ekspertlər cəlb olunub"