Ancaq kişilər üçün, qadınlar bu yazını oxumasın

Ancaq kişilər üçün, qadınlar bu yazını oxumasın
5 iyul 2013
# 07:30

Əziz kişi oxucular, bu dəfə sizə qadınların bədən dilindən bəzi ipucları veririk. Əlimizin, qolumuzun tərpənməyindən tutmuş baxışlarımız, dodaqlarımıza qədər hansı mesajı göndərdiyimizi açıqlayırıq...

Barmaqlar

Qadın barmaqları ilə tez-tez saçlarını darayır, yaxud düzəliş verirsə, demək qarşısındakı kişinin diqqətini çəkməyə çalışır. Bu, həm də qadının necə biri olduğunu bildirir. Əgər əllərini saçına yavaş aparırsa, əsl aşiqə rast gəlmisiniz! Yox, əgər saçlarını tez-tez və sürətlə darayırsa, bu, onun səbirsiz və utancaq olduğuna işarədir. Freydə görə, qadın barmaqları ilə stəkanın qırağına toxunursa, bu, seksual mesajdır. Əgər barmaqlarını stəkanda yavaş hərəkət etdirirsə, qarşısındakı kişinin diqqətini çəkmək istəyir. Dırnaqları ilə ritm tutaraq stəkana döyəcləyirsə, bu, səbirsizlik, yaxud “SOS” siqnal sayılır.

Fiziki təmas

Qadın kişiylə danışanda ona toxunursa, demək kişini cəlb etməyə çalışır. Əgər qadın güləndə kişinin qoluna toxunursa, ya da toxunmaq üçün fürsət axtarırsa, onu tovlamağa hazırlaşır.

Əllər

Qadının əlləri mühüm mesajdır. Qadın sizlə danışanda əllərinə çox baxırsa, bu, onun utancaqlığının və sizdən xoşu gəlməyinin işarəsidir. Çox utancaqdırsa, kişinin üzünə baxmağa utanır və fikrini ancaq öz əllərinə cəmləyə bilir. Yox, əgər əllərini ritmlə stola döyəcləyirsə, böyük ehtimalla onu qarşısındakı çox hirsləndirib.

Qollar

Qadın qollarını çarpazlayıb belini divara dayayıbsa, onda nəyəsə hirslənib. Bu jest qadının kişiyə güvənmədiyi və onu sevmədiyini göstərir. Belə vəziyyətdə kişiyə heç kim kömək edə bilməz; nə zarafatlar, nə hədiyyələr. Kişinin həmin anda ata biləcəyi ən doğru addım qadından ayrılmaqdır.

Dodaqlar

Qarşısındakını cəlb etmək üçün qadınların istifadə etdikləri jestlərdən biri də tez-tez dodaqlarını islatmaqdır. Hətta öpülmək istəyi də var. Dodaqları dişləmək bəzən qadınların cəlbediciliyi kimi başa düşülür, bəzən də seksual mesaj kimi.

Gözlər

Bioloji olaraq kimdənsə, nədənsə xoşumuz gələndə göz bəbəklərimiz böyüyür, bəyənməyəndə kiçilir. Qadının sizi bəyənib-bəyənmədiyini bilmək istəyirsinizsə, bəbəyin böyüyüb-böyümədiyinə diqqət yetirə bilərsiniz. Ancaq bu, çox çətindir. Bəzən səhv də ola bilər. Çünki qaranlıq yerlərdə bəbək böyüyür.

Qadın göz-gözə gəlməkdən çəkinmirsə, demək qarşısındakına xoş hisslər bəsləyir. Üz-üzə, göz-gözə uzun müddət danışa bilirsə, bu münasibət sevgiyə çevrilə bilər.

Ayaqlar

Ətək geyinən qadının ayaqlarının duruşu onun seksuallığından xəbər verir. Məsələn, bir ayağını digərinin üzərinə aşırıbsa, rahat və özünə inamlı biridir. Aşırdıqdan sonra ayaqları paralel olaraq yana meylləndirirsə, kişiyə “dəvət” yollamış sayılır.

# 8198 dəfə oxunub

Oxşar xəbərlər

"Bu detal məni heyrətləndirmədi" - Hekayə müzakirəsi

"Bu detal məni heyrətləndirmədi" - Hekayə müzakirəsi

12:00 3 sentyabr 2025
Primitivizmin məşhur nümayəndəsi,  "gömrükçü" ləqəbli rəssam - Günün tablosu

Primitivizmin məşhur nümayəndəsi, "gömrükçü" ləqəbli rəssam - Günün tablosu

16:54 2 sentyabr 2025
Sadəliyin bətnindəki təntənə  - “Şahid olmaq istəyirsən?”

Sadəliyin bətnindəki təntənə - “Şahid olmaq istəyirsən?”

12:00 2 sentyabr 2025
"Diktaturanın yeganə üstünlüyü ondadır ki..." - Fransua Moriak

"Diktaturanın yeganə üstünlüyü ondadır ki..." - Fransua Moriak

10:50 1 sentyabr 2025
"Məni öldüyümə əmin olmamış dəfn etməyin!" - Onun intiharının arxasında kimlər var idi?

"Məni öldüyümə əmin olmamış dəfn etməyin!" - Onun intiharının arxasında kimlər var idi?

15:00 31 avqust 2025
Əfqanıstandan Bakıya - Heydər Əliyevin göstərişi ilə əsərləri 100 min tirajla nəşr olunan yazıçı

Əfqanıstandan Bakıya - Heydər Əliyevin göstərişi ilə əsərləri 100 min tirajla nəşr olunan yazıçı

12:00 31 avqust 2025
Ana səhifə Yazarlar Bütün xəbərlər