“Səni sevirəm” demək üçün nə qədər gözləyirik?

“Səni sevirəm” demək üçün nə qədər gözləyirik?
11 iyun 2013
# 07:00

Çoxları üçün sevgilisindən “səni sevirəm” sözünü eşitmək bahalı hədiyyələrdən daha vacibdir. Amma qadınlarla kişilərin o sözü ilk dəfə eşitmə müddətləri fərqlidir. Kişi vurulubsa, çox keçmədən hislərini həmin qadına bildirmək istəyir. Qadınlarsa bu mövzuda olduqca təmkinlidirlər. Kişilər təqribi 88 gün “dözə bilirlərsə”, qadınlar 134 gün hislərini gizlətməyə və “səni sevirəm” sözünü deməməyə nail olurlar.

İngiltərədə aparılan araşdırmaya görə, kişilərin 39 faizi ilk ayda “səni sevirəm” deyir. Qadınlarda isə bu rəqəm cəmi 23 faizdir. Kişilərin üçdə biri (33 faiz) münasibətlərinin ilk ayında sevgilisini ailəsi ilə tanış edir. Qadınlar bu mövzuda da kişilərdən inadkardırlar. Cəmi 25 faiz qadın sevgilisini ailəsinə təqdim edir.

“YouGov”un “eHarmony” üçün apardığı araşdırma göstərir ki, “kişilər xüsusi günləri xatırlamır” fikri heç də doğru deyilmiş. Məsələn, kişilərin 77 faizi ilk dəfə nə vaxt “səni sevirəm” dediyini xatırlayır, cəmi 5 faizi isə sevgilisinin əlini nə vaxt tutduğunu xatırlamır.

18 və 24 yaş arası gənclərin daha cəsarətli olduğunu düşünənlər yanılırmışlar. Demə, gənclər ilk dəfə əl-ələ tutuşmaq və ilk öpüşdə daha utancaq davranırlar.

“Səni sevirəm” deyiləcəyini necə hiss etməli?

Yuxarıda qeyd etdiyimiz araşdırmaya görə, kişilər təqribən 88 gün səbir edirlər. Ancaq qadınlar bu sözü onlardan daha tez eşitməyə can atırlar və şübhələr onları narahat edir. Bu şübhələri yox etmək üçün nə etməli?

Seçimi sizsinizsə...

Sevdiyiniz insan ailəsi, yaxud dostları ilə keçirəcəyi vaxtı sizinlə keçirirsə, demək ən azı sizdən xoşu gəlir. Ailəsi və dostları ilə tanış etsə, bilin ki “səni sevirəm” sözü də “yoldadır”. Yox əgər sizi ətrafındakılardan aralı tutmağa çalışırsa, təhlükə siqnallarınızı işə salın və münasibətin istiqamətini istədiyiniz məcraya çəkməyə çalışın.

Siyahı böyükdürsə...

Bəzi kişilər münasibətlərini kateqoriyalara bölürlər. Bir qadınla seksual istəklərini reallaşdırıb, digəri ilə sadəcə görüşə, bəzən üçüncü birinə də vurula bilirlər. Ona görə də hansı kateqoriyaya uyğun gəldiyinizi müəyyənləşdirin. Sevgi axtarırsınızsa, bunu onun ən xırda hərəkətlərindən də hiss edə bilərsiniz. Bunun üçün sizə etdiyi jestləri, yazdığı mesajları, sürpriz görüşləri, dediyi sözləri bir yerə yazın, siyahı sizi heyrətləndirirsə və gözlədiyinizdən böyükdürsə, demək sizi sevir.

# 3404 dəfə oxunub

Oxşar xəbərlər

"O məni qazaxlı olmağıma bağışladı" - Natəvan Dəmirçioğlu

"O məni qazaxlı olmağıma bağışladı" - Natəvan Dəmirçioğlu

15:00 12 sentyabr 2025
"Sapı özümüzdən olan baltalar"ın üzündən..." - Üzeyir Hacıbəyliyə yetişməyən məktubda nə yazılmışdı?

"Sapı özümüzdən olan baltalar"ın üzündən..." - Üzeyir Hacıbəyliyə yetişməyən məktubda nə yazılmışdı?

15:00 11 sentyabr 2025
Xeyirxah məsləhət - Salman Rüşdinin hekayəsi

Xeyirxah məsləhət - Salman Rüşdinin hekayəsi

12:00 11 sentyabr 2025
"Bil ki, gorum çatlayar onda" - Səməd Vurğun Yusif Səmədoğluna nə vəsiyyət etmişdi?

"Bil ki, gorum çatlayar onda" - Səməd Vurğun Yusif Səmədoğluna nə vəsiyyət etmişdi?

15:00 9 sentyabr 2025
"Anamdan əmdiyim süd geri qayıtdı" - Həmid Herisçi Anara şeir həsr etdi

"Anamdan əmdiyim süd geri qayıtdı" - Həmid Herisçi Anara şeir həsr etdi

11:26 9 sentyabr 2025
Təcrid, qaranlıq, dəmir barmaqlıqlar... - Həbsxanada yazılan əsərlər

Təcrid, qaranlıq, dəmir barmaqlıqlar... - Həbsxanada yazılan əsərlər

09:00 9 sentyabr 2025
Ana səhifə Yazarlar Bütün xəbərlər