Son illərin ən parlaq imzalarından olan şair Şəhriyar Del Geraninin "Gecəniz şeirə" şeirlər kitabı çapdan çıxdı.

Kulis.azın verdiyi xəbərə görə, kitabda 33 yeni şeir toplanıb. Müəllifin ilk şeirlər kitabı olan "Darıxmağın adı"ndan isə oxucuların ən çox sevdiyi, məşhur 12 şeir seçilib. Kitabda ümumilikdə 45 şeir yer alıb. Bu vaxtacan heç yerdə çap olunmamış şeirlər də var.

Kitab mağazalarda satışda olmayacaq, yalnız imza və təqdimat günləri satışa çıxarılacaq. Kitabın satış qiyməti şəhərlərdə 5 manat, rayon və kəndlərdə 3 manat nəzərdə tutulub.

Qeyd edək ki, ilk tirajı Dövlət Tərcümə Mərkəzi “Gənc yazarlara dəstək” layihəsi çərçivəsində nəşr edib.

Müəllifin bildirdiyinə görə, kitab uğurlu qarşılanarsa, növbəti tiraj öz hesabına 10 min nüsxə çıxacaq. Kitabdakı yeni 33 şeirin hamısı bir qadına yazılıb.

“Gecəniz şeirə” müəllifin sonuncu şeirlər kitabıdır. Bundan sonra o, şeirlər kitabı çap etdirməyəcək.

Həmçinin, "Gecəniz şeirə" kitabı "Kitab otağı" layihəsi çərçivəsində yayımlanacaq ilk kitabdır. "Kitab otağı" layihəsi bütün ölkəni əhatə edəcək müəllif marafonudur. Bu layihədən çap olunacaq müəlliflər öz kitablarıyla Azərbaycanın ən ucqar kəndlərinə, rayonlarına səyahət edib oxucuların qarşısına çıxacaqlar.

• İlkin Dövlətovun konserti keçirildi
• "Zaman yaxşıları da necə eybəcərləşdirə bilərmiş?" - Bəxtiyar Vahabzadə Elçinə məktubunda nə yazmışdı?
• Əri üçün müsəlman oldu, amma boynundakı xaçı gizlətdi - "Lal ev"in böyük sirri