Aprelin 26-da Türkiyənin Qars şəhərində Qafqaz Universitetində EL Televiziya Şirkəti və Nova Gorica Kino Mərkəzinin birgə istehsalı olan “Qars vətənimdir” sənədli filminin təqdimatı keçirilib. Kulisin məlumatına görə film, Qafqaz Universitetin “Fən-Әdəbiyyat fakültəsi”ndə çalışan kimyaçı alim Hacalı Nəcəfoğlunun 60 illik yubileyinə həsr olunub.

H. Nəcəfoğlu 1955-ci ildə indiki Hacıqabul rayonunda anadan olub. Azәrbaycan Dövlәt Universitetinin kimya fakültәsini bitirib. Azәrbaycan Elmlәr Akademiyasının aspirantı olub. Kimya elmlәri doktoru, professordur. 1992-ci ildәn Türkiyәdә çalışan H. Nәcәfoğlu Qars Qafqas universitetindә dәrs verir. Üniversitetin Fǝn-Ədǝbiyyat Fakültǝsi Kimya Bölümü Başqanı olmaqla birlikdǝ hǝmin fakültǝdǝ Qǝrb Dillǝri vǝ Ədǝbiyyatları, Slavyan Dillǝri vǝ Ədǝbiyatları, Çağdaş Türk Lǝhcǝlǝri vǝ Ədǝbiyyatları Bölümlǝrinin qurucu bölüm başqanlıqlarını da icra edib. 2003-cü ildǝn etibarǝn Qafqaz Universiteti Qafqaz vǝ Orta Asya Araşdırma Mǝrkǝzi Müdürü vǝzifǝsini icra edir.

Ötən il yay məzuniyyəti dövründə ana vətəndə olarkən rejissor dostları Tahir Tahiroviç və İqbal Məmmədəliyev H. Nәcәfoğlunun yubileyi münasibәtilә film çәkmәyi qәrara aldılar. Hər iki rejissor rəhbər olduqları media qurumlarının imkanlarını səfərbər etdilər vә filmin çəkilişlərinə start verildi. Çәkilişlәr Bakı, Hacıqabul, Yevlax, Bərdə, Ağdam (Quzanlı) və Qars şəhərlərində qəhrəmanın iştirakı ilə aparılıb. Film EL Televiziya Şirkətinin maddi-texniki bazasında istehsalata buraxılıb. Filmin ssenari müəllifi kino tənqidi sahəsində öz imzası olan Sevda Sultanova, operatoru Faiq Kərimov, rejissor və montaj işi Pərviz Səlimov, sәnәt yönәticisi Tahir Tahirovic, prodüser isə İqbal Məmmədəliyevdir.

Bu, Hacalı Nəcəfoğlunun yaddaş xatirələri və müsahibəsi üzərində qurulan bir ovqat filmidir. Hacıqabulda uşaqlıq illərinə ekskurs, akademik Xudu Məmmədov haqqındakı xatirələri, Bərdə rayonundakı Nüşabə qalasına ziyarət, Yevlaxda Kür sahilindəki düşüncələr və Qars Qafqaz Universitetində elmi tədqiqatlar, dərs prosesi və s. epizodlar qəhrəmanın müsahibəsi üzərində müəyyən ardıcıllıqla düzülərək filmin süjet xəttini təşkil edir.

• Maraq - Ümmügülsümün Bayıl həbsxanasında yazdığı şeir
• Mirmehdi Ağaoğlunun Mirzə Cəlilə dərs keçməkliyi - Təvəkkül Boysunar
• Bu dil bölünməyən torpağım oldu... - Günün şeiri