Danimarkalı rejissor Mari Miller Sorn Kyerkeqorun “Ya, ya da” fəlsəfi əsəri əsasında uşaqlar üçün müzikl hazırlayıb. Kulis.Az “Associated Press”a istinadən xəbər verir ki tamaşa Danimarkada filosofun mayın 5-də qeyd olunan 200 illiyində təqdim olunub. Hazırda tamaşanə məktəblərdə də göstərirlər.

Müzikldən əlavə Danimarkada bu yaxınlarda Kyerkeqorun əsərləri əsasında komik şou da hazırlanıb. Bu şounun müəllifi Klaus Damqor filosofun ideyalarından cinsi münasibətlər haqqında ironik müzakirələr apararaq istifadə edib. Şou bütün Danimarkada, hətta Kyerkeqorun dəfn olunduğu qəbiristanlıqda nümayiş olunub. Damqorun sözlərinə görə o, filosofun çətin qavranılan əsərlərini maraqlı bir şəkildə ötürmək istəyib.

Danimarkalılar Kyerkeqoru tanısa və hörmət etsələr də sakinlərin çox az bir hissəsi onun əsərlərini oxuyub. Bu o əsərlərin mürəkkəbliyindən irəli gəlir. Kyerkeqor özü yazırdı ki, insanlar onu hətta özünü anlamamaqdan şikayətlənəndə belə anlamırlar. Bununla əlaqədar olaraq bəzi bioqraflar onun əsərlərinin sadələşdirilib geniş oxucu kütləsinə təqdim etməyi təklif ediblər.

Yubileylə əlaqədar Danimarkanın poçt xidməti Kyerkeqorun yubileyinə xüsusi poçt markası buraxıb.

Kyerkeqor 5 may 1813-cü ildə doğulub. Sərt bir lüteran ailəsində böyüyüb və ilahiyyatı öyrənib. Magistr dərəcəsi alıb və ədəbi fəaliyyətlə məşğul olub. Kyerkeqor XIX əsrin əhəmiyyətli filosoflarından hesab olunur. Onun işləri XX əsrin fəlsəfi cərəyanlarına, dialektik ilahiyyat və ekzistensializmə təsir göstərib.

“Ya, ya da” əsərində o, etik və estetik varlıq tipi arasında seçimin əhəmiyyətini və bu seçim faktının kimin xeyrinə olmasından asılı olmayaraq nə qədər vacib olmasını analiz edib.

• "Heç nə sübut olunmayıbsa, hər şeyə icazə verilir..." - Teodor Drayzerdən sitatlar
• İn-Yan - Anar Şamilin hekayəsi
• Təbiətlə ilahi dünya arasında mistik körpü - Serafin Luinin "Həyat ağacı"