Ötən gün Facebookun yaradıcısı Mark Zukerberqin 30 yaşı tamam oldu.

Kulis.az dünyanı dəyişdirən bu insan haqda maraqlı faktları təqdim edir.

1. O, həmişə futbolka geyinir. Çünki çox rahatdır, praktikdir, tez geyinmək və səhərlər vaxta qənaət etmək olur.

2. O, 2009-cu ildə qalstuk taxdığını deyir.

3. Mark vegeteriandır. Amma bir müsahibəsində deyib ki, ancaq özünün kəsdiyi heyvanların ətini yeyəcək.

4. 2010-cu ildə Zukerberq Facebook əməkdaşları ilə birlikdə “Sosial şəbəkə” filmini izləyib. Film onun Facebooku yaratması ilə bağlıdır. Sonradan Mark filmi tənqid edərək deyib ki, filmdə onu sosial status qazanmaq üçün belə bir sayt hazırlayan adam kimi təsvir ediblər.

5. Onun “Beast” ləqəbli itinin Facebook səhifəsinin 1,9 milyon izləyicisi var.

6. Gələcək arvadı Priskilla Çan ilə bir kollecin tualetində rastlaşıblar ilk dəfə. Çan Facebookun ilk üzvlərindən biri olub.

7. Markı tənqid edirdilər ki, 19 milyard dolları olmağına baxmayaraq toyda öz həyat yoldaşına cəmi 25 min dollarlıq üzük taxıb.

8. 2010-cu ildə Markı “Time” jurnalı ilin adamı seçib.

9. “Simpsonlar” multserialında Mark Zukerberq özünü səsləndirib.

10. Zukerberq daltonikdir. O yaşıl və qırmızı rəngləri seçə bilmir. Amma göy rəngi çox yaxşı görür. Ona görə də Facebookda göy rəng üstünlük təşkil edir. “Göy rəngi mənim üçün ən zəngin rəngdir. Mən göyün bütün çalarlarını görə bilirəm”- o deyir.

• Karvan dayandı - Ənvər Məmmədxanlının hekayəsi
• “Solo gənclik” layihəsindən növbəti konsert təqdim olundu
• "Ac olmuşam, evsiz olmuşam, ağlaya-ağlaya güldürmüşəm" - Çarli Çaplinin qızına məktubu