Kulis.az reklam haqda 16 maraqlı faktı təqdim edir.

• Gün ərzində reklama dünya üzrə 500 milyard dollar xərclənir.

• 65 yaşına kimi hər bir insan orta hesabla 2 milyona yaxın reklam çarxı izləyir.

• İlk standart reklam lövhəsi Amerikada 1900-cü ildə yaradılıb. Məhz o zaman magistralların kənarında bilbordlar yerləşdirmək ideyası yaranıb.

• Bir uşaq orta hesabla ildə 40 min reklam çarxına baxır. Bu isə günə 100 çarx deməkdir.

• İndiyə kimi ən çox şikayət gələn reklam roliki Avstraliyada bir klinikanın kişilərdə ereksiya probleminin həlli ilə bağlı reklamı olub. Müalicənin səmərəliliyini göstərmək üçün roliki belə çəkmişdilər: qadın şkafın yuxarı gözündən nəsə götürmək istəyir, ancaq əli çatmır, ərini çağırır, ərinin cinsi orqanından nərdivan kimi istifadə edərək yuxarı qalxır.

• Müəyyən edilib ki, ABŞ-dakı dərman firmaları reklama daha çox pul xərcləyirlər, nəinki tədqiqatlara.

• Reklam çarxlarında seksual obrazlardan istifadə edilməsi yeni metod deyil. Soyunmuş qadın fotosuna 1800-cü ildə tütünün çap reklamında rast gəlmək olardı.

• Belə hesab edilir ki, ilk dəfə reklam çarxında homoseksualdan İKEA istifadə edib. 1994-cü ildə hazırlanmış çarxda, bir neçə kişi dükanda gəzərək mebel seçirdilər.

• 2009-cu ildə “Disney”in bir reklamı qadağan olunub. Reklam posterində qız futbolkada dayanıb və aşağıdan yazılıb: “Köynəyimi çıxart, daha çox görəcəksən...”

• Psixoloqlar deyir ki, 8 yaşına qədər uşaqlar reklamlara tənqidi gözlə baxa bilmirlər. Yəni onlar reklam rolikində təqdim edilənləri həqiqi, obyektiv qəbul edirlər.

• İlk pullu reklam ABŞ-ın “Boston News Letter” qəzetində 1704-cü ildə verilib. Bu bir mülkün satışı ilə bağlı elan olub.

• Tarixdə ən bahalı reklam kampaniyası ABŞ-da 2008-ci ildə keçirilən seçkilərdə olub – 2.6 milliard dollar. Həmin kampaniyada Barak Obama 310 milyon, Con Makkeyn isə 136 milyon dollar xərcləyib.

• İnsanları reklam edilən məhsulun alınmasına həvəsləndirmək üçün onların psixoloji ehtiyacları-seks, qorxu, özünümüdafiə instinkti, ləyaqət hissi, hakimiyyət hərisliyi nəzərə alınır.

• Məhsula şübhə ilə yanaşanları cəlb etmək üçün müasir dövrün reklamlarında məhsul haqda informasiya və faktdan daha çox, emosional tərəflərə üstünlük verirlər.

• Reklam verənlər arasında ən böyük qrup ərzaq məhsulları istehsalçılarıdır.

• Son dövrlərdə ən sürətlə inkişaf edən sahə internet reklamlarıdır. 2000-ci ildə ABŞ-da internet reklamlarına 8.1 milyard dollar xərclənib. Bu il üçün proqnoz 42 milyard dollardır.

• “Mücrü”dən bayram sürprizi – 500 kitab pulsuz paylanacaq
• Cümhuriyyətin ilk xarici işlər naziri - Onu kimlər intihara məcbur etmişdi?
• Murad Dadaşov xəstəxanalıq oldu