Facebookda divarınızda yazdığınız, paylaşdığınız hər şeyin şərhlərlə, “layk”larla dolu olmasını, Twitter izləyiciləriniz mini keçməsini istəyirsinizsə, aşağıdakıları diqqətlə oxuyun:

Zarafatcıl olun

Çalışın kimisə güldürəsiniz.

Kiçik saytları mən yaratmışam

Sosial şəbəkələrdə özünə inam əsasdır. Nə edirsiniz, edin, sözünüzdən dönməyin. Unutmayın ki, sözünüzü 5 insan unutsa da, biri mütləq yadda saxlayar və bir gün üzünüzə vurar.

Hərtərəflilik

Təkcə Facebook və Twitterlə məşhur olmaq olmur. Hərtərəfli olun, başqa saytlarda da fəal olun: Friendfeed, Flickr, Reddit, Linkedin, Digg və YouTube.

Bloqsuz düşmənin olsun!

Sayıqlasanız da, ağlınıza və ağzınıza gələni yazsanız da olar, əsas odur, bloqunuz olsun. Yazdıqlarınızın Twitter və Facebookda paylaşılmasına da səy göstərin.

Foto paylaşma trendi

Bloqunuza yazmağa bir şey tapmırsınızsa, fotonun ilahi gücünə inanın. Ordan-burdan yığacağınız gözəl qadınların və ya dünyəvi problemləri əks etdirən fotoları paylaşın. Hələ olsa, altına iki sətirlik şeir də atın.

Polemika aparın

Facebookda polemikaya girmək işə yarayır. Nə qədər ağlabatan fikirlər səsləndirsəniz, bir o qədər “layk”larınız artar.

İndi nə edirsiniz?

Dostlarınızı bezdirməmək şərti ilə çalışın, Facebook statusunuzu tez-tez yeniləyəsiniz. Ya zarafatcıl olun, ya rahat. Nə badə dalbadal depressiv statuslar yazasınız.

Şəxsi həyatı unudun

Artıq bütün həyatınız buradadır: “Bu gün heç yerimdən qalxa bilmirəm”, “suyumuzu kəsdilər”, “sevgilimdən ayrıldım, ölürəm”.

Retweet gücü

Twitterdə “retweet” etdikləriniz sizin necə insan olduğunuz haqda ipucları verir.

Nadirlik

Bir film, yazıçı, aktyor; mümkünsə, az tanınan birini çox sevin. Onun haqda sevgi ilə danışın. “Elə maraqlı şeylər tapır ki”, - deyin ki fərqli olduğunuz bilinsin.

Sorğu xəstəliyi

Hamı fikrini bildirməyə, səs verməyə meyllidir. Ona görə, çalışın bloqunuza da sorğu yerləşdirəsiniz.

Trend ovu

Tez-tez “Google Trends” günün ən maraqlı xəbərlərini izləyin. Məlumatlı olduğunuzu göstərin.

Oğurluq

Köşə yazarı, yazıçı, şair – fərqi yoxdur kimdən nə oxuyursunuz, çalışın maraqlı bir cümlə, sitat “çırpışdırasınız”.

Yaxşı profil şəkil işin yarısıdır

Profil şəklinizə elə bir şey seçin ki, maksimum “cool”, xarizmatik, cazibədar görünəsiniz. İnanın, bu, işin yarısıdır.

Etiraz ruhu

Nifrət edin, əsəbiləşin – bir sözlə etiraz edin. “Facebook etirazçıları” həmişə diqqət mərkəzindədir.

Sevgi və seks

Bu cütlük haqqında yazmaq həmişə diqqət cəlb edir, “layk” yağışına düşür.

Fotoqraf olun

Çantanızda bir fotoaparat gəzdirin. Maraqlı kadrları, qarşılaşdığınız maraqlı insanları çəkin. Hətta uçuq-sökük yerləri, yerdəki yarpağı, sınmış stolları da çəkib “kədərli” təsəvvürü də yarada bilərsiniz.

Şərhin gücü

Başqalarının bloqlarını da gözdən qoymayın. Bloqdakı hər hansı bir yazını oxudunuzsa, şərh yazın, özü də Facebookdakı, yaxud Twitterdəki hesab adınızla. Qoyun o bloqçu da sizi tanısın.

Özünüz olun

Əgər maraqsız insan olduğunu düşünürsünüzsə, özünüz olmasanız da olar. Dərd eləməyin. Olmaq istədiyiniz kimi olun, bəlkə vaxt keçdikcə ona oxşayarsınız.

İntellektuallıq

Nyu-York Taymsa hamı baxa bilər, amma hansısa Uqanda saytına heç kim baxmaz. Oralardan bir şey paylaşın ki, sizin nə qədər geniş informasiya çevrənizin olduğunu görsünlər.

• Gözəllik kanonlarını kökündən sarsıdan sənətkar - Dübüffenin 3 məşhur əsəri
• Çarəsizliyin ifadəsi, fövqəltəbii güc və gizli agent – Helli Berrinin 3 yaddaqalanrolu
• "Heç kim bizim kimi sevə bilmədi..." - Edqar Allan Podan həyat yoldaşına