Mayın 25-də Beynəlxalq Muğam Mərkəzində Gənc kamança ifaçılarının Habil Əliyev adına I respublika müsabiqəsinin yekun konserti keçiriləcəkdir.

Kulis.Azın Mədəniyyət və Turizm Nazirliyinə istinadən verdiyi xəbərə görə, müsabiqənin keçirilməsində məqsəd respublikada kamança ifaçılığı sənətinin inkişaf etdirilməsi, gənc istedadların üzə çıxarılması, onların peşəkar ifaçılıq səviyyələrinin inkişaf etdirilməsi və dəstəklənməsi, həmçinin milli musiqi mədəniyyətimizin görkəmli nümayəndəsi, məşhur kamança ifaçısı Habil Əliyevin xatirəsinin əbədiləşdirilməsidir.

Gənc kamança ifaçılarının I respublika müsabiqəsinin I turu 2016-cı ilin 11-26 aprel tarixində zonalar üzrə Bakı, Sumqayıt, Mingəçevir, Şirvan şəhərlərində və Ağcabədi, Goranboy rayonlarında, II turu isə 2-5 may tarixində Ağdaş şəhərində keçirilmişdir.

Üzeyir Hacıbəyli adına Bakı Musiqi Akademiyasının professoru, Əməkdar İncəsənət xadimi Arif Əsədullayevin sədrlik etdiyi, tanınmış mütəxəssislərdən ibarət münsiflər heyəti 150 gənc kamança ifaçısının çıxışını qiymətləndirmişdir.

Münsiflər heyətinin qərarına əsasən Bakı, Gəncə, Şəki, Şirvan şəhər, Ağdaş, Ağstafa, Füzuli, Goranboy, Kürdəmir, Oğuz, Samux, Siyəzən, Şəmkir, Şuşa rayon uşaq musiqi və incəsənət məktəblərinin şagird və müəllimləri müsabiqənin müxtəlif dərəcəli diplomlarına, fəxri fərmanlarına və pul mükafatlarına layiq görülmüşlər.

• Dua - Anar Şamilin hekayəsi
• Xalq artisti Ənvər Həsənovun dili tutulub
• "Xozeyn" ləqəbli tiktoker həbs edildi