Kulis.az müxtəlif ölkələrdə mövcud olan qeyri-adi qadağaları təqdim edir.

- Türkmənistanın keçmiş prezidenti Saparmurat Niyazov 2005-ci ildə göstəriş vermişdi ki, müğənnilərin fonoqram oxumağı qadağan edilsin. Bu qadağa kütləvi tədbirlərə və televiziya çıxışlarına aiddir. Bu ölkədə opera və balet də qadağan edilmişdi.

- Rumıniya lideri Nikolae Çauşesku skrebbl oynamağı qadağan etmişdi. Onun fikrincə bu oyun “pisniyyətli” xarakterə daşıyırdı. İndi bu qadağa ləğv edilib və ölkədə Skrebbla Federasiyası var.

- Bütün dünyada məşhur olan “Kinder sürpriz” şokoladı ABŞ-da qadağandır. Səbəb isə onun içindəki oyuncağının udula, boğaza gedə biləcəyi təhlükəsidir. Burda hətta Kanadadan “Kinder sürpriz” alıb ABŞ-a gələnlər arasında həbs edilənlər də olub.

- İranda kişilərə quyruq kimi saç uzatmaq qadağandır. 2010-cu ildə bu ölkədə kişilər üçün saç düzümlərinin formaları dərc olunub. Saçın yanlardan və qabaqdan kəsilib arxadan quyruq kimi uzadılmasına icazə verilmir.

- Avstraliyada balaca döşlü qadınların porno filmlərə çəkilməsi qadağandır. Bu qadağa onunla izah olunur ki, sinəsi balaca olan qızların belə filmlərə çəkilməsi pedofiliyanın yayılmasına gətirib çıxara bilər.

- Sinqapurda saqqız qadağandır. Amma birbaşa saqqız çeynəmək qadağan edilmir. Sadəcə ölkəyə idxalına və satışına qadağa qoyulub. Kim tapsa, çeynəyə bilər. Qadağa 1992-ci ildə qoyulub. Səbəb isə yerli sakinlərdən birinin qatarın qapılarını saqqızla yapışdırması və qəza şəraitinin yaranmasına gətirib çıxarmasıdır.

- Aktrisa Kler Deynsin filmləri Filippinin Manila şəhərində qadağan edilib. Çünki bu ölkədəki çəkilişlərdən sonra verdiyi müsahibədə Manila şəhəri haqda neqativ fikirlər səsləndirmişdi. Onun bütün filmləri burda qadağan edilib.

- Fransada 2008-ci ilə qədər Red Bull qadağan idi. Çünki onun tərkibindəki taurin adlı kimyəvi maddənin təhlükəli olduğu deyilirdi.

- Çində filmlərdə və televiziyada şoularında zamanda səyahət qadağan edilib. Çin hökuməti belə düşünür ki, zamanda səyahət səhnələri ciddi tarixi hadisələri yüngül formada interpretasiya edilməsinə gətirib çıxarır.

- Çində mavi rəngli cins geyinmək qadağandır. Qara rəng geyinmək olar. Çünki mavi rəng ABŞ-la assosiasiya olunur.

• Yeni sevdasına qurban olduğum - Mikayıl Müşfiqin şeirləri
• "Həmişə dilimin bəlasına düşürəm..." - Saramaqonu niyə tarixi həqiqətləri lağa qoymaqda ittiham edirdilər?
• Rassel Krou "Qladiator 2"dən danışdı: "Hekayənin əxlaqi mərkəzini darmadağın ediblər"