Hamı öyrəşib çıxsın bazardan, dükandan, yaxud elə internetdən geyim, ətir, ev əşyaları, ərzaq və s. alsın. Daha kimin ağlına gələr ki, kimsə öz nənəsini, yaxud çeynənmiş saqqızınızı, bəkarətini satışa çıxara? Hələ bu nədir ki?! Öz həyatını hərraca çıxaranlar da var...

Beləliklə, satışa çıxarılan ən qəribə şeylərlə tanış olun:

Ahıl nənə

10 yaşlı ingilis Zoe Pemberton internet vasitəsilə 61 yaşındakı nənəsini satışa çıxarıb. “Əsəbiləşdirən, amma qucaqlanası” kimi tanıtdığı nənəsini almaq istəyənlər də tapılıb. Ancaq alış-veriş saytı bunu insan alveri kimi dəyərləndirərək satışı dayandırıb.

Qızıldan qiymətli çips

Virciniya əyalətində iki bacı qiyməti 3 dollar olan bir qutu çipsi əsl sərmayəyə çeviriblər. Qutudakı bir çips İllinoys ştatının xəritəsinə bənzəyirdi və bacılar həmin çipsi hərraca çıxararaq 1350 dollara satıblar.

Həyatının qiyməti

Avstraliyada İan Aşer adlı biri həyatını satışa çıxarıb. Nə az, nə çox 4 milyon funt-sterlinqə həyatını sata bilib. Bunun səbəbini isə belə izah edib: “Yeni həyata başlamağa ehtiyacım vardı”. Aşerin həyatı Uolt Disneyin də diqqətini çəkib və o, həyatını satmamışdan əvvəlki və sonra başına gələnlər barədə kitab yazıb.

Alnımda nə yazılıb?

Nebraska əyalətində Endrü Fiçer alnını reklam üçün icarəyə vermək qərarına gəlib və 30 gün ərzində ən çox pul verən şirkətlə razılaşacağını deyib. Hərrac 322 dollarla yekunlaşıb.

Bakirə Məryəm sendviçi

10 illik pendirli sendviç 28 min dollara satılıb. Çünki üstündə “Bakirə Məryəm”in silueti varmış.

Çeynənmiş saqqız

Müğənni Britni Spirzin çeynəyib atdığı saqqız hərraca çıxarılıb. Ən dəhşətlisi isə kiminsə bu saqqıza 14 min dollar pul verməyidir.

Brüssel kələmi

Endrü Henderson adlı ingilis Yeni il gecəsi üçün bişirilmiş Brüssel kələmlərini 99,50 funt-sterlinqdən satışa çıxarıb. Ancaq yığılan pul xeyriyyə məqsədi ilə xərclənib.

Bəkarət

Bu da oldu! 18 yaşlı ingilis qız kollec xərclərini ödəmək üçün bəkarətini satışa çıxarıb. Ancaq qızın bəxtinə insaflı bir iş adamı düşüb. O, qızın bütün xərclərini ödəyib, əvəzində də heç nə istəməyib.

Bu satışdan sonra dünyanın müxtəlif ölkələrində belə hadisələr yaşanıb. San Dieqoda yaşayan 22 yaşlı qız bəkarətini 3,7 milyona satıb.

• Şuşanın qardaşı Kayseridə şeir kimi üç gün - Yazarların Talas görüşləri barədə qısa təəssürat
• "Sözlərə bürünəcəyəm ala-bəzək otlar kimi..." - Alfred Tennison
• Rejissor Elxan Cəfərov: "Uzun müddət məni “Kinostudiyanın Mauqlisi” adlandırıblar..." - Müsahibə