İngiltərədə aparılan araşdırmaya görə, sosial şəbəkələrdə daha çox vaxt keçirən və maddi çətinlikləri olan cütlüklər seksdən soyuyur.

15 min ingilisin qatıldığı sorğuda 16-44 yaş arasındakıların 10 il əvvəl ilə müqayisədə ayda beş dəfədən daha az sekslə məşğul olduqları ortaya çıxıb.

1990-91 və 1999-2001-ci illərdə aparılan eyni sorğuda bu yaş qrupundakı insanların ayda 5 dəfədən çox sekslə məşğul olduqları göstərilibmiş.

Müasir həyat şəhvət hissini azaldır

Araşdırmanı aparanlar müasir həyatın şəhvət hissinə mənfi təsir göstərdiyini düşünür.

“University College London”nun professoru Kas Merserin sözlərinə görə, insanlar işləri və pulları üçün narahatdırlar. Sekslə məşğul olmaq havasında olmurlar. Amma bunun daha çox müasir həyatla bağlı olduğunu düşünürük. “İnsanlar tablet kompüterlərini, ağıllı telefonlarını yataq otaqlarına gətirir, “Twitter”ə, “Facebook”a baxır, e-maillərinə cavab verirlər” –deyir Merser.

O, həmçinin 16-44 yaş arasındakı cütlüklərin seks əvəzinə internetdə pornoya baxmağı üstün tutduqlarını deyib.

Araşdırmada ortaya çıxan başqa maraqlı məqamlar isə bunlardır:

İngiltərədəki hər altı hamiləlikdən biri plansız baş verir.

Qadın və kişilərin təxminən yarısı yaxın vaxtlarda cinsi problem yaşayıb. Sorğuda iştirak edənlərin onda biri seks həyatından narahatdır.

Cinsi istəksizlik ən çox şikayət edilən problemlərdən birincisidir, təkcə qadınlarda deyil, kişilərin də 15 faizi libido (şəhvət) çatışmazlığından əziyyət çəkir.

2000-ci ildəki sorğudan bu yana homoseksual münasibətlərin daha çox qəbul edildiyi məlum olub.

Digər maraqlı məqam da odur ki, cütlüklərin xəyanətə dözümsüzlüyü 13 il əvvəlki sorğuya nisbətən daha çoxdur.

• Üzeyir Hacıbəylinin Ev Muzeyində konsert proqramı keçirilib
• Vaqif Bayatlının kitabları təqdim olunacaq
• 15 iyun - Gələcəyə gedən yol