Kulis.az "Bazar oxusu" layihəsindən gənc şair Qismətin qızına yazdığı “Qızım Dəfnə üçün” şeirini təqdim edir.

Ultrasondakı görüntülərə baxanda

çaşıb qalmışdıq ananla,

• Virtual qara dəlik, insel və sevgisizlik - Uşaqlar qatilə necə çevrilir?
• Mədəniyyət abidələrinə pasport veriləcək
• Bahar xəstəliyi - İlham Əzizin hekayəsi

izaholunmaz bir sevinc bürümüşdü bizi.

Bu səndin, qızım,

zülmətin içində işaran

çeçelə barmaq boyda bir işıq gilizi…

Günü-gündən böyüyən,

ürəyi döyünən bir işıq!

Sən doğulan gün

bumeranq kimi öz üstümə qayıtdım,

duaların ətəyindən yapışdım,

və üzündəki ilahi cizgilərə baxıb

növbədənkənar göz yaşları axıtdım.

Qızım, indi elə əl-qol atırsan ki,

üzməyi öyrənirsən sanki.

Havanı təpikləyirsən,

elə bil, dünyada özünə yer eləyirsən…

Amma sən doğulan gün mən də böyüdüm,

o qədər böyüdüm ki,

indi sənin təsbeh dənəsi gözlərindəki

əksim boydayam.

• Virtual qara dəlik, insel və sevgisizlik - Uşaqlar qatilə necə çevrilir?
• Mədəniyyət abidələrinə pasport veriləcək
• Bahar xəstəliyi - İlham Əzizin hekayəsi