“Etimad Başkeçidin qərarına hörmətlə yanaşıram. Ancaq o başqa cür də hərəkət edə bilərdi. Mükafat kimi veriləcək pulu uşaq evinə köçürə, kitabı çıxmayan kasıb şairə kömək edə, nakam şairlərin təbliği üçün xərcləyə bilərdi”.
Bu fikirləri Kulis.az-a verdiyi açıqlamada Azərbaycan Yazıçılar Birliyinin mətbuat katibi Ədalət Əsgəroğlu söyləyib.
Ədalət Əsgəroğlu deyib ki, Etimad Başkeçidin imtina üçün göstərdiyi səbəblər müzakirə olunmalıdır.
Mətbuat katibi bildirib ki, Etimad Başkeçid əvvəldən imtina etsəydi, bu, daha məntiqli olardı.
Xatırladaq ki, AYB-nin Ədəbiyyat Müsabiqəsi Yusif Səmədoğlu adına nəsr mükafatının qalibi Etimad Başkeçid Kulis.Az-a yolladığı bəyanatında mükafatdan imtina etdiyini açıqlayıb.
Ədalət Əsgəroğlu Yazıçılar Birliyi Ədəbiyyat Müsabiqəsinin Münsiflər Heyətinin rəhbəri, Xalq Yazıçısı Mövlud Süleymanlının Bəxtiyar Vahabzadə adına Türk dünyasına xidmət mükafatının verilməsindən xəbərsiz olmasına da münasibət bildirib.
O, Mövlud Süleymanlının bundan xəbərsiz olmağına inanmadığını bildirib: “Əgər belə deyirsə, onda oradakı əsərləri oxumayıb, nə deyib ondan da xəbəri yoxdur”.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
