Azərbaycan Dövlət Musiqili Teatrı Yeni İl şənliklərinə Şarl Peronun “Yatmış gözəl” nağılının motivləri əsasında “Yatmış gözəl və cırtdanlar” tamaşası ilə hazırlaşır. Tamaşanın quruluşçu-rejissoru Elşad Rəhimzadə kulis.az-a bildirib ki, cari ilin sonuna qədər premyerası baş tutacaq bu səhnə əsəri balaca tamaşaçılara məktəblilərin qış tətili günlərində Yeni İl nağılı kimi təqdim olunacaq.
Disneyin nağıl qəhrəmanları, sehirli pərilər, oyunbaz cırtdanlarla zəngin olan tamaşada nağılçı, Kral Stefan, Santa Klaus, cadugər Malifisenta və başqa obrazları Əməkdar artist Novruz Qartal, Nicat Həbibov, Mehriban Zalıyeva, Türkel Şabanova kimi tanınmış aktyorlar canlandıracaq. Musiqili Teatrın xor və balet truppasıda bu səhnə əsərinə xüsusi gözəllik qatacaq. 25 dekabrdan 2015-ci ilin 10 yanvarına qədər hər gün balaca tamaşaçıların görüşünə gələcək tamaşada və Yeni İl şənliyində uşaqları maraqlı əyləncə, sürprizlər və Şaxtababadan hədiyyələr gözləyir.
Musiqili-əyləncəli tamaşanın quruluşçu-rəssamı Vüsal Rəhim, baletmeystrləri Zakir Ağayev və Yelena Ağayevadır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər