“Qızıl Şir” sentyabrın 7-də təqdim olunacaq

“Qızıl Şir” sentyabrın 7-də təqdim olunacaq
2 sentyabr 2013
# 14:56

70-ci Venesiya kinofestivalının açılışı olub. Festival baş rollarda Sandra Ballok və Corc Kluninin oynadığı rejissor Alfonso Kuaronun “Qravitasiya” filmi ilə açılıb.

Kulis.Az-ın xəbərinə görə əsas müsabiqədə 20 filmin iştirak etdiyi festivalda onlarla film müsabiqədən kənar iştirak edir.

Yubiley münasibətilə 70 rejissorun iştirak etdiyi layihə də nümayiş olunacaq. “Future: Refresh” adlı qısametrajlı filmlərdə 70 rejissor gələcək haqqında təsəvvürlərini çəkib.

Bu il jüriyə rəhbərlik edən rejissor Bernardo Bertoluçi gələcəklə bağlı fikirlərini bildirib: “Biz bilirik ki, kino dünyanı dəyişə bilməz, amma bilirik ki, o ayrıca bir dünya yarada bilir”.

Festivalın münsiflər heyətinə yaponiyalı bəstəkarı Ryuiti Sakamoto, britaniyalı rejissor Anrea Arnold, almaniyalı aktrisa Martina Qedek və çinli rejissor Çzian Ven daxildir.

Festivalın əsas mükafatı ”Qızıl Şir” uğrunda Xayao Miyadzakenin “Külək güclənir” adlı animasiya filmi və Teri Giliamın “Zero nəzəriyyəsi trilogiyası” mübarizə aparacaq. Məşhur aktyor Nikolas Keycin də festivalda iştirak etdiyi söylənilir. N. Keyc müsabiqəyə “Co” adlı filmi ilə qatılıb.

Festivalın xüsusi baxış bölməsində rus rejissor Aleksey Germanın “Dostum İvan Lapşin” filmi də nümayiş olunacaq.

Anje Vaydanın “Valensa”, Stiven Naytın “Lok”, Kim ki Dukun festivalda qalib olmuş “Mebius” filmi də müsabiqədənkənar nümayiş etdiriləcək.

Venesiya festivalında ilk dəfə olaraq klassik filmlərin qiymətləndirilməsi də baş tutacaq.

Qaliblər sentyabrın 7-də müəyyən olacaq.

Ənənəvi olaraq İtaliyanın Lido adasında keçirilən Venesiya kino festivalı 1932-ci ildə diktator Benito Mussolini tərəfindən təsis olunub.

# 1637 dəfə oxunub

Oxşar xəbərlər

Nəriman Nərimanov Tağıyevin pul yardımından niyə imtina etmişdi?

Nəriman Nərimanov Tağıyevin pul yardımından niyə imtina etmişdi?

09:00 23 iyul 2024
Mikayıl Mirzənin oğlu:  "Atam sağ olsaydı, mən səfir idim..." - Müsahibə

Mikayıl Mirzənin oğlu: "Atam sağ olsaydı, mən səfir idim..." - Müsahibə

09:00 22 iyul 2024
Molla Pənah Vaqif haqqında deyilənlər, yazılanlar və gerçəklər

Molla Pənah Vaqif haqqında deyilənlər, yazılanlar və gerçəklər

11:57 21 iyul 2024
Qustav Floberin novellası - dilimizdə ilk dəfə

Qustav Floberin novellası - dilimizdə ilk dəfə

09:00 19 iyul 2024
Müəllif "qızları ərə verməyə tələsməyin"  demək istəyir? - Hekayə müzakirəsi

Müəllif "qızları ərə verməyə tələsməyin" demək istəyir? - Hekayə müzakirəsi

09:00 16 iyul 2024
Qonaqlıq - Günün lətifəsi

Qonaqlıq - Günün lətifəsi

09:00 13 iyul 2024
# # #