Azərbaycan Respublikasının Prezidenti yanında Qeyri - Hökumət Təşkilatlarına Dövlət Dəstəyi Şurasının dəstəyi ilə “Aşıq Şəmşir Mədəniyyət Ocağı” İctimai Birliyi tərəfindən həyata keçirilən “Vətənpərvərlik düşüncəsinin, milli-mənəvi dəyərlərin gənc nəslə təbliğ edilməsi” ilə bağlı silsilə tədbirlər davam etdirilir.

Bu tədbirlər silsiləsindən ixtisasca ingilis dili müəllimi, Bakı Slavyan Unversitetinin Yaradıcılıq fakültəsinin dinləyicisi, bədii qiraətçi, gənc yazar, Dünya Gənc Türk Yazarlar birliyinin üzvü Ülkər Dənizin (Piriyeva) vətənpərvərlik mövzusunda və müxtəlif mövzularda səsləndirdiyi şeirlər toplusundan ibarət “Zamana Baxış” adlı albom diskin təqdimatı keçirilib.

Tanınmış şair-publisist Əkbər Qoşalının aparıcılıq etdiyi tədbir Ülkər Dənizin səsləndirdiyi Ramiz Qusarçaylının Azərbaycan Bayrağı şeiri ilə başlayıb. Diskdə “Xocalı-Oyan qeyrətim oyan” , “Müəllim”, “Qocaldı Anam”, “İnsan Sevgisi”, “Döndü”, “Ata”, “Allahım”, “ Fİkir Qayıqları” və başqa şeirlər yer alıb.

Respublikanın əməkdar artisti, bədii qiraət Ağalar Bayramov çıxış edərək bildirib ki, bu sahədə istedadsız adamlara yer yoxdur: “Onlar barmaqla sayılacaq qədərdir. Rəhmətlik Kazım Ziya, Murtuz Gəncavi, Həsən Əbluc, Mikayıl Mirzə, hazırda yaşayanlardan Əminə Yusifqızı, Nadir Hüseynov, Bəndər Savalan. İndi yeni nəsl yetişir. İnanıram ki, istedadlı bir gənc olaraq özünü təsdiq edəcəksən”.

Tədbirdə Aşıq Şəmkir məclisinin rəhbəri Həbib Misirov, Qarabağ hadisələrinin dünyaya tanıtdırılması üzrə ABŞ fondunun icraçı direktoru Dayana Altman, ehtiyatda olan polkovnik-leytenant Habil Şirinov, BDU-nun müəllimi, Milli Elmlər Akademiyasının dissertantı, şairə-publisist Əlili İradə, Azərbaycanın Milli Qəhrəmanı adından rəsmi şəkildə imtina edən Arif Məhərrəmov, eləcə də başqa tanınmış yazarlar çıxış edərək Ülkər Dənizi istedadlı qiraət ustası və gənc yazar olaraq ilk diski münasibəti ilə təbrik etdilər.

Daha sonra, Ülkər Dənizin Xocalı faciəsi ilə əlaqədar yazdığı və Ulu öndərin anadan olmasının 92-ci ildönümünə həsr edilən, Universitetlər arası festivalda birinci yerə layiq görüldüyü şeiri səsləndirilib.

• “Səma qurbanları” qısametrajlı filmi hazırlandı
• "Qadın doğulmursan, qadın olursan..." - O, hansı əsərində məşhur yazıçı ilə seksual münasibətini yazmışdı?
• Məşhur aktyora qarşı seksual qısnama ittihamı