Şou-biznes səndən fahişə yaradırsa…

Şou-biznes səndən fahişə yaradırsa…
8 oktyabr 2013
# 07:30

İrlandiyalı müğənni Sinead O Connor son vaxtlar yaratdığı qalmaqallarla gündəmdən düşməyən 20 yaşlı həmkarı Miley Cyrusa səmimi və tənqidi tərzdə yazılmış ibrətamiz məktub göndərib. “Wrecking Ball” mahnısına çəkilən klipin bir hissəsində çılpaq olan M. Cyrus klipin girişində göz yaşları içində mahnı oxuyur. M. Cyrus “Rolling Stones” jurnalına verdiyi müsahibədə S. O Connorun 1990-cı illərə damğasını vuran “Nothing Comphares 2 You” klipindən ilham aldığını açıqlayıb.

Bu açıqlamadan sonra psixoloji problemlərdən əziyyət çəkən S. O Connor M. Cyrusa məktub yazıb. M. Cyrusun istedadlı olduğunu vurğulayan 46 yaşlı S. O Connor məktubunda ulduz müğənninin əhatəsindəki insanlar tərəfindən istismar edildiyini də iddia edib: “Sən istedadlısan. Musiqi industriyasının səndən fahişə obrazı yaratmasına qətiyyən razı olma. Yanında olan insanlar sənin soyunaraq və yaxud da bir çəkici yalayaraq daha “cool” görünə biləcəyinə inandıra bilərlər. Ancaq səni bu cür üsullardan istifadə etməyə təhrik edənlər öz yaxtalarında günəş qəbul edərkən sən birdən-birə özünü tənha hiss edə bilərsən”.

Keçən il “Maxim” jurnalı tərəfindən yaşayan ən seksual qadın seçilən M. Cyrus hələ 18 yaşı tamam olmadan qalmaqallar yaratmağa başlayıb. Müğənni son vaxtlar “Wrecking Ball” mahnısının klipində cürətli hərəkətləriylə müzakirə olunur. M. Cyrus, keçən həftə sonu Las Vegasda keçirilən “İHeartRadio Music” festivalında yenə də söz-söhbət yaradan paltarla səhnəyə çıxıb.

Qalmaqallardan doymayan M. Cyrusun keçmiş nişanlısı Liam Hemsworthu unuda bilmədiyi hiss olunur. L. Hemsworth gənc müğənnidən ayrıldıqdan qısa bir müddət sonra meksikalı aktrisa Eiza Qonzalezlə görüşməyə başlayıb. Baş verənlərə dözə bilməyən gənc müğənninin son vaxtlar qalmaqallar yaratmasına uğursuz məhəbbətin səbəb olduğu və bununla M. Cyrusun keçmiş sevgilisinə ismarıc göndərdiyi deyilir.

Balaca qız uşağı M. Cyrus hazırda qalmaqallar kraliçasına çevrilib. “Hannah Montana” serialı ilə kiçik yaşda məşhurlaşan M. Cyrus bir vaxtlar Britney Spearsın qazandığı “Qalmaqallar kraliçası” adını heç kimə vermək niyyətində deyil. İndi isə M. Cyrusun son bir neçə ildə yaratdığı qalmaqalları təqdim edirik:

- Bir müddət əvvəl televiziya proqramında qonaq olan M. Cyrus ona bənzəyən kuklanı dodaqlarından öpdü.

- M. Cyrus 2010-cu ildə Madriddə çıxış etdiyi konsertdə qadın rəqqası sinəsindən öpdü.

- Həmin ərəfədə 18 yaşlı M. Cyrus geyiminə görə də tənqid olundu. Hətta böyük bir xəbər agentliyi gənc müğənninin geydiyi açıq-saçıq geyimlərlə çəkdirdiyi fotoları yayımlamamaq haqda qərar qəbul etdi.

- 18 yaşı təzə tamam olan M. Cyrusun narkotika qəbul edərkən şəkli çəkildi.

- Atası Billy Ray Cyrus, həm də M. Cyrus fanatlarından buna görə üzr istədi. - M. Cyrusun 20 yaşını qeyd etdiyi ad günü ziyafətində striptizçilərlə çəkdirdiyi foto şəkil sosial şəbəkələrdə paylaşıldı.

-M. Cyrus daha sonra gənc müğənni Harry Stylesin maketiylə yatağa girdiyi fotonu Twitterdə paylaşıb qalmaqal yaratdı.

# 4502 dəfə oxunub

Oxşar xəbərlər

"O məni qazaxlı olmağıma bağışladı" - Natəvan Dəmirçioğlu

"O məni qazaxlı olmağıma bağışladı" - Natəvan Dəmirçioğlu

15:00 12 sentyabr 2025
"Sapı özümüzdən olan baltalar"ın üzündən..." - Üzeyir Hacıbəyliyə yetişməyən məktubda nə yazılmışdı?

"Sapı özümüzdən olan baltalar"ın üzündən..." - Üzeyir Hacıbəyliyə yetişməyən məktubda nə yazılmışdı?

15:00 11 sentyabr 2025
Xeyirxah məsləhət - Salman Rüşdinin hekayəsi

Xeyirxah məsləhət - Salman Rüşdinin hekayəsi

12:00 11 sentyabr 2025
"Bil ki, gorum çatlayar onda" - Səməd Vurğun Yusif Səmədoğluna nə vəsiyyət etmişdi?

"Bil ki, gorum çatlayar onda" - Səməd Vurğun Yusif Səmədoğluna nə vəsiyyət etmişdi?

15:00 9 sentyabr 2025
"Anamdan əmdiyim süd geri qayıtdı" - Həmid Herisçi Anara şeir həsr etdi

"Anamdan əmdiyim süd geri qayıtdı" - Həmid Herisçi Anara şeir həsr etdi

11:26 9 sentyabr 2025
Təcrid, qaranlıq, dəmir barmaqlıqlar... - Həbsxanada yazılan əsərlər

Təcrid, qaranlıq, dəmir barmaqlıqlar... - Həbsxanada yazılan əsərlər

09:00 9 sentyabr 2025
Ana səhifə Yazarlar Bütün xəbərlər