Əli Həsənov "Daş yuxular"dan danışdı

Əli Həsənov "Daş yuxular"dan danışdı
5 fevral 2013
# 17:18

“Minlərlə azərbaycanlını qətlə yetirən, Azərbaycan torpaqlarını işğal edən, Xocalı soyqırımını törədən erməni gəncini bəşəri hislərin müdafiəçisi kimi, öz millətinin nümayəndəsini isə cılız xislətli, qatil bir şəxs kimi təqdim etmək hansı əqidəyə sığar?”

APA-nın məlumatına görə, bunu Azərbaycan Həmkarlar İttifaqları Konfederasiyasının IV qurultayında çıxışı zamanı Prezident Administrasiyası ictimai-siyasi şöbəsinin müdiri Əli Həsənov deyib.

Onun sözlərinə görə, Ə.Əylislinin əməlinə hər hansı şəkildə haqq qazandırmaq olmaz: “Belə insanlara Azərbaycan xalqı olaraq ictimai nifrətimizi bildirməliyik. Milli mənsubiyyəti olmayan bir şəxsin bəşəri hislərdən danışmağa haqqı yoxdur. Biz tolerant xalqıq. Əlbəttə, onu daş-qalaq etməməliyik. Çünki belələrini çox görmüşük. Orxan Pamuk bir cümləyə - " türklər “erməni soyqırımı”nı tanımalıdır" fikrinə görə öz millətinin qınağına çevrildi və tərki-vətən olundu. Səndən xalqın və millətin imtina edirsə, o mükafatı almağa dəyərmi? Bir insanın milli hissindən yüksək heç nə ola bilməz. Azərbaycana internet vasitəsilə meydan oxumaq istəyən neçə-neçə dırnaqarası jurnalistlər, yazıçılar, siyasətçilər, sizcə, Əkrəm Əylisliyə niyə belə münasibət sərgiləyirlər? Düşünürlər ki, bəlkə gələcəkdə hakimiyyətə gəlmək üçün bu fikirlərinə görə onlara kimsə kömək edəcək? Ayıb olsun belələrinə”.

Ə.Həsənov bildirib ki, qurultayda çıxış edən türkiyəli dostlarından biri Dağlıq Qarabağ məsələsi və Xocalı faciəsində törədilən qətliam haqqında təsirli və cəsarətli fikirlər söyləyib. Hətta onlardan biri ön cəbhədə Azərbaycan əsgəri ilə döyüşməyə hazır olduğunu açıqlayıb: “Ancaq bu gün xalq yazıçısı adını daşıyan bir adam bəşəri hislərin önündə getmək əvəzinə Azərbaycan xalqına şər atır. Minlərlə şəhidin ruhunu tapdalayır”.

Ə.Həsənov qeyd edib ki, bir insanın milli hissi yoxdursa, onda bəşəri hiss ola bilməz: “Bir şəxsdə vətəndaş məsuliyyəti kasaddırsa, onda bəşəri məşğuliyyətin olması mümkün deyil. Başqa bir xalqa yarınmaq, özünü bəşəri hislərin daşıyıcısı kimi göstərmək məqsədilə öz xalqına böhtan atmaq nə deməkdir? Bu gün həmin mənfur dövlətin mərkəzi şəhəri olan İrəvanda nə qədər türk, müsəlman yaşayıb. İrəvanın 90%-i azərbaycanlılar olub. Əsrin əvvəllərində bir fransız rəssamın çəkdiyi tabloya baxarkən orada çoxlu sayda məscidlərin olduğunu görmək olur. Bunların hamısı Azərbaycan məscidləri idi. Bu qədər məscidi olan bir şəhər nə zamandan orta əsr erməni torpağı ola bilərdi?”

# 2712 dəfə oxunub

Oxşar xəbərlər

Başqa həyat - Anar

Başqa həyat - Anar

12:00 14 sentyabr 2025
Çadrasını atan inqilabçı qadınlar... - Cəfər Cabbarlı niyə Sevili azərbaycanlı qızın oynamasını istəyirdi?

Çadrasını atan inqilabçı qadınlar... - Cəfər Cabbarlı niyə Sevili azərbaycanlı qızın oynamasını istəyirdi?

10:00 14 sentyabr 2025
Quran motivləri əsasında çəkilmiş 10 ekran əsəri

Quran motivləri əsasında çəkilmiş 10 ekran əsəri

15:00 13 sentyabr 2025
Mircəfər Bağırovun xəstə sevgisi - Xədicə Qayıbova ona niyə sillə vurmuşdu?

Mircəfər Bağırovun xəstə sevgisi - Xədicə Qayıbova ona niyə sillə vurmuşdu?

12:00 13 sentyabr 2025
Yarın yatar hər axşam qoynunda yaylığınla...  – Mir Kamilin şeirləri

Yarın yatar hər axşam qoynunda yaylığınla... – Mir Kamilin şeirləri

10:00 13 sentyabr 2025
"O məni qazaxlı olmağıma bağışladı" - Natəvan Dəmirçioğlu

"O məni qazaxlı olmağıma bağışladı" - Natəvan Dəmirçioğlu

15:00 12 sentyabr 2025
#
#
Ana səhifə Yazarlar Bütün xəbərlər