Kulis.az təqdim edir: hər ofisdə olan 10 qadın tipi.
Özünün hamıdan çox işlədiyini iddia edən qadın
Həmişə ən çox çalışan odur. Bunun əksini iddia etsəniz, gördüyü bütün işləri sizə danışar.
Qeybət edən qadın
Qeybət edilməyən iş yeri yoxdur. Üç nəfərin işlədiyi yerdə də dedi-qodular olur. Sırf qeybətçi tiplər stressi bu cür atılar. Hansı işçi başqasıyla görüşür, filankəs arvadından boşandı, müdir katibəsi ilə nə edir, filankəs ərinə xəyanət elədi və s. Danışmağa mövzu həmişə var.
Daim telefonda danışan qadın
Telefon əllərindən düşməz. Amma müdiri görəndə özlərini yığışdırmağı bacarırlar.
Başına gələn hər şeyi iş yoldaşlarına danışan qadın
Bu cür işçilər ətrafdakılar üçün çox qorxuludur. Çünki heç vaxt susmazlar və həyatlarındakı hər xırda detalı iş yoldaşları ilə paylaşarlar.
Xəbərçi qadın
Hər mühitdə bir “casus” olur. İş yerində xəbərçilik edən adamı tapmaq çox çətindir. Həmin adamın kim olduğu bilinəndə isə yanında heç kim heç nə danışmır.
Aradüzəldən qadın
Subay qız və oğlanların arasını düzəltməklə məşğul olurlar. Bəzən gələcəyin xoşbəxt bir ailəsinin təməlini qoyurlar.
Maaşından şikayət edən qadın
Daim işdən çıxacaqlarını deyirlər. Həmişə də maaşlarından şikayət edirlər. Amma heç vaxt da çıxmırlar.
Bütün günü nəsə yeyən qadın
Bu tip qadınların həmişə “ağzı işləyir”. Həmişə ac olduqlarını və tezliklər dietaya başlayacaqlarını deyirlər.
İşgüzar qadın
Həmişə başını salıb aşağı işini görür və boşluq buraxmır. Hər ofisdə beləsi mütləq var.
Həmişə bəzənən qadın
Hər iş yerində mütləq tez-tez bəzənən qadın olur. İşə makiyajsız gəlməzlər. Geyimlərinə aldıqları maaşdan daha çox pul xərcləyirlər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər