Amerika Birləşmiş Ştatları məhkəməsi Uilyam Folknerin varisləri tərəfindən “Parisdə gecə yarısı” filmində yazıçının bir cümləsini səhv verməkdə təqsirləndirilən rejissor Vudi Allenin xeyrinə qərar çıxarıb. “Huffington Post”-un verdiyi xəbərdə belə deyilir.

U. Folknerin “Bir rahibə üçün rekviyem” (“Requiem for a Nun”) adlı kitabında qalmaqala səbəb olan cümlə “Keçmiş heç vaxt yox olmaz, keçmiş keçmişdə belə qalmayıb” kimi yazılıb. V. Allenin filmində Oven Uilsonun yaratdığı qəhrəman 20-ci illərin məşhur yazıçıları ilə tanış olur və epizodlardan birində belə deyir: “Keçmiş məhv olmadı. Keçmiş hətta keçmişdə belə qalmadı. Bunu kimin dediyini bilirsən? Folkner. O, haqlı idi. Onunla şam yeməyində qarşılaşdıq və tanış olduq...”

Yazıçının varisləri V. Alleni və filmi istehsal edən “Sony Pictures” şirkətini müəllif hüquqlarını pozmaqda günahlandırıb. Hakim Judge Michael P. Mills Folknerin kitabını və filmi analiz etdikdən sonra V. Allenin xeyrinə qərar çıxarıb: “Bu məhkəmənin əsas mövzusu romandakı bir cümlənin Hollivud filmində yazıçıya istinadla sitat gətirilməsinin müəllif hüquqlarına zidd olub-olmamağıdır. Kitabı və filmi analiz etdikdən sonra ortada belə hüquq pozuntusunun olmadığı aydın olur”.

U. Folknerin müəllif hüquqlarını qoruyan Lee Çaplin isə bu qərarın ABŞ-dakı yazıçılar üçün problem yaradacağını və dünyadakı yaradıcı insanlara zərər verəcəyini söyləyib. L. Çaplin vəziyyətlə başqa qanuni yollardan istifadə edəcəklərini də qeyd edib.

• "Bu film sadəcə bir kəndin taleyi deyil, həm də..." - Tahir Tahiroviç
• Obrazlarının fikirləri "həbs qoxuyan" yazıçı - 20 Yanvar faciəsində Yusif Səmədoğlu hansı addımı atmışdı?
• Xalq rəssamı Əşrəf Heybətovun sərgisi açıldı