AMEA-nın Fəlsəfə İnstitutunun əməkdaşı, fəlsəfə üzrə fəlsəfə doktoru Şölət Zeynalovun “Dialoq fəlsəfəsi” adlı kitabı işıq üzü görüb. Kulis.azın məlumatına görə, “Avropa” nəşriyyatında çap olunan kitab sivilizasiya, mədəniyyət və dinlərarası münasibətlərin açarı hesab edilən dialoq probleminə həsr edilib.

Dialoq amili yeni nəşrdə xalqlar, millətlər və sivilizasiyalararası münasibətlərin saflaşdırılması, onları ziddiyyətlərdən, anlaşılmazlıqlardan, açıq və qapalı şəkildə kin-küdurətdən təmizləyərək ümumbəşəri ideala – sülh və əmin-amanlıq içərisində yaşamağa istiqamətləndirən xilas yolu – katarsis kimi təqdim olunur. Kitabda Azərbaycan Respublikasının rəhbərliyi tərəfindən müasir dünyada sülhü, multikulturalizmi, həmrəyliyi təbliğ etməsi, dinlərarası, mədəniyyətlərarası, sivilizasiyalararası ahəngin, harmoniyanın qorunması istiqamətində aparılan

rasional siyasətindən bəhs olunur.

Monoqrafiya dialoq problemi ilə məşğul olan alimlər, tədqiqatçılar, magistrlər, tələbələr və geniş oxucu kütləsi üçün nəzərdə tutulub. “Dialoq fəlsəfəsi” kitabının elmi redaktoru BDU-nun professoru, fəlsəfə üzrə elmlər doktoru Fərman İsmayılov, rəyçiləri AMEA-nın Fəlsəfə İnstitutunun “İslam Fəlsəfəsi” şöbəsinin müdiri fəlsəfə üzrə elmlər doktoru Sakit Hüseynov və fəlsəfə üzrə fəlsəfə doktoru Gündüz Süleymanovdur.

Qeyd edək ki, Ş.Zeynalovun 2014-cü ildə “Sivilizasiyalararası münasibətlər: problemlər və perspektivlər” adlı monoqrafiyası işıq üzü görüb. Ş.Zeynalov respublika daxilində və xaricdə çap olunmuş 30-dan artıq elmi məqalənin müəllifidir.

• Bakıda mart qırğınları - Azərbaycanlıların günahı nə idi?
• "Ərəblinskinin faciəsi azərbaycanlılar üçün matəm hadisəsi idi..." - Sultan Məcid Qənizadə aktyor haqqında nə yazırdı?
• "Elden Ring" bədii filminin çəkilişlərinə start verildi