Mayın 7-də Üzeyir Hacıbəyli adına Bakı Musiqi Akademiyası (BMA) Beynəlxalq Caz Günü çərçivəsində özünün ilk layihəsi olan Beynəlxalq Caz Festivalını və elmi-yaradıcılıq konfransını keçirəcək.
Festival çərçivəsində gənc ifaçıların müsabiqəsi, konsertləri, ustad-dərsləri təşkil ediləcək.
BMA-dan Kulis.az -a bildirilib ki, bu təhsil ocağında festival çərçivəsində gənc caz ifaçılarının konserti olacaq.
Konsertdə Əməkdar artist İsfar Sarabski bas-gitaraçı, Əməkdar artist Ruslan Hüseynov və zərbçi Elvin Bəşirov ilə çıxış edəcək. Konsert proqramında İ.Sarabskinin öz bəstələri və caz standartlarına improvizasiyaları səsləndiriləcək.
Xatırladaq ki, hər il aprelin 30-u dünyada Beynəlxalq Caz Günü kimi qeyd edilir. 2012-ci ildə UNESCO tərəfindən elan edilən bu gün dünyanın cazsevər ölkələrində keçirilən konsert proqramları ilə yadda qalır. Əlamətdar gün hər il dünyanın 190-dək ölkəsində keçirilir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər