Kulis.az-ın verdiyi xəbərə görə, noyabrın 1-dən Bakıda M.A.P. Bakı incəsənət festivalı öz işinə başlayır.

YARAT Müasir İncəsənət Məkanının təqdim etdiyi festival teatr sənəti ilə bağlı olmaqla bərabər, müxtəlif sənət janrlarını da əhatə edir. M.A.P. (Music Art Performans) Bakcell şirkətinin dəstəyi ilə həyata keçirilir.

Festival çərçivəsində Rusiya, Gürcüstan, Almaniya, İsrail kimi ölkələrdən gəlmiş yaradıcı qrupların təqdim etdiyi tamaşalar, konsertlər, mühazirələr və ustad dərsləri keçiriləcək.

Tamaşalar arasında “Gülməli adam” – “Pyotr Fomenkonun Emalatxanası” teatrı (Rusiya), “Ked” – “Praktika” teatrı (Rusiya), “Troya Qadınları” – “Royal District” teatrı (Gürcüstan), “Birgə təəssüratlar” - “Eskizı v prostranstve” aktyor qrupu (Rusiya), “Sovrulanlar” baleti – “Novıy Balet” teatrı (Rusiya) kimi tamaşalar var. Həmçinin “Gaga Intensive” müasir rəqs məktəbinin (İsrail) üçgünlük ustad dərsi Ruslan Malikovun rejissor sənətinə dair ustad dərsi (“Praktika” teatrı, Rusiya), Aktyor və rejissor Oleq Lyubimovun mühazirəsi (“Pyotr Fomenkonun Emalatxanası” teatrı, Rusiya) səhnə dekoratoru, rəssam Alisa Malikovanın mühazirəsi (“Praktika” teatrı, Rusiya) nəzərdə tutulub. Festival çərçivəcində Qara Qarayev adına Azərbaycan Dövlət Kamera Orkestrində baş tutacaq konsert (Bencamin Britten – “Frenk Bric mövzusuna dair variasiyalar” Sofiya Qubaydulina – “Fachwerk”, dirijor - Yalçın Adıgözəlov

Qarmon: Roman Yusipey (Almanya/Ukrayna) daxildir.

• Milli Teatrda "Payız sonatası" hazırlanır
• Azərbaycan xalçaçıları “Tərəqqi” medalı ilə təltif edildi
• Asəf Hacıyev “Şöhrət” ordeni ilə təltif edildi - Sərəncam