Dekabr ayının 1-dən yanvar ayının 15-ə qədər Dövlət Gənc Tamaşaçılar Teatrında “Tamaşaya BAX, kitab QAZAN” adlı aksiya həyata keçiriləcək. Bu barədə kulis.az-a teatrdan məlumat verilib. Gənc Tamaşaçılar Teatrı və Hədəf Nəşriyyatının birgə layihəsi olan aksiyada teatrdan bilet alan hər bir tamaşaçı Hədəf nəşrlərindən kitab hədiyyə qazanacaq.

Aksiyanın həyata keçiriləcəyi müddətdə Dövlət Gənc Tamaşaçılar Teatrı və Hədəf Nəşrləri öz məhsullaına (bilet və kitab) 30-50% endirim edəcəklər. Beləcə tamaşaçı kitab qiymətinə həm də tamaşa və yaxud tamaşa qiymətinə həm də kitab əldə edəcək.

Aksiyadan yararlanmaq üçün iştirakçının kitabevim.az mağazasından hədiyyə kuponu və kitab almağı zəruridir. Paketin qiyməti 6 manatdır. Paketə 1 kitab və Dövlət Gənc Tamaşaçılar Teatrında axşam tamaşasına bilet əldə etmək üçün kupon daxildir. Hədəf Nəşrlərinin möhürü ilə təsdiqlənmiş kuponu Dövlət Gənc Tamaşaçılar Teatrında afişadakı tamaşanın başlanmasına 1 saat qalmışa qədər inzibatçıya təqdim edərək heç bir ödəniş etmədən tamaşa bileti almaq mümkün olacaq.

Aksiya ilə bağlı ətraflı məlumat əldə etmək üçün Dövlət Gənc Tamaşaçılar Teatrının (+994 12) 493-65-78, eləcə də kitabevim.az kitab mağazasının əlaqə nömrələrinə (+994 12) 498-79-89; (+994 55) 877-24-44 müraciət edə bilərsiniz.

Məlumat üçün bildirək ki, aksiyanın müddəti 45 gündür.

• "Mirvari"də balıq qonaqlığı, gavur Hüseyn və üç manat iyirmi qəpik - İsmayıl Şıxlını tanımayan qız kim idi?
• Damar katarsisi - Aslan Quliyevin hekayəsi
• Evli ola-ola sevdiyi qızın pəncərəsi altında gecələyən Emin Sabitoğlu haqqında