“...Avropa yox olacaq”

 “...Avropa yox olacaq”
6 mart 2014
# 08:45

Kulis.az Fransız yazıçısı Anatol Fransın Nobel nitqini təqdim edir.

“Cəsarətli kişilər və gözəl qadınlar yetişdirmiş bu əsrarəngiz ölkənizi, həyatımın ən əhəmiyyətli axşamında ziyarət etmək fürsəti əldə etdim. Ədəbiyyat karyeramı zirvəyə qaldıran bu mükafatı şükranlıq hissləri içində alıram. Bu mükafatı almağın qürurunu başqa heç bir şeylə müqayisə etmək mümkün deyil. Bundan qabaq məni Fransa Akademiyasının üzvü kimi Ədəbiyyat üzrə Nobel Mükafatını hansı yazıçıya vermək barədə fikrimi öyrənmək üçün dəvət etmişdiniz. Bunun sayəsində bir neçə dəfə seçimlərinizi təsdiq etmək zövqünü yaşamışam. Məsələn, göz qamaşdıran üslubu ilə Meterlinkdə (1911-ci ildə Nobel alan belçikalı yazıçı Moris Meterlink – tərc.), ədalət və azadlıq aşiqi olaraq təqdim etdiyiniz, yaxşı insan olaraq qalmağı məşhurluğundan daha vacib hesab edən Romen Rollanda (1914-cü ildə Nobel mükafatı alan fransız yazıçısı) olduğu kimi...

Məncə, Norveç Parlamentinə verdiyiniz Sülh Mükafatından bəhs etsəm, həddimi aşmış olaram. Mövzunu ona görə açmışam ki, parlamentin qərarını dəstəkləyirəm. Düşünürəm ki, Brantingi (Hjalmar Branting – İsveç dövlət xadimi) ədalət tərəfdarı olduğuna görə mükafatlandırdınız. Çünki insanlığın taleyini belə insanlar müəyyən etməlidir. Müharibələrini ən pisini bir sülh sazişi həll etdi. Amma bu sülh anlaşmasından daha çox müharibənin davamı kimiydi. Əgər sağlam düşüncə kabinetlərdə özünə yer tapmazsa, Avropa yox olacaq. İnsan Avropa ölkələrinin birliyinin və ahənginin qələbə qazanacağına çox da inanmır bəlkə də, amma sizin kimi cəsur, ədalətli və sadiq insanların təsiri altında qaldığıma görə, xeyrin heç olmasa bəzən qalib gələcəyinə inanmaq istəyirəm...”

Əlavə: Rəsmi qeydlərdə göstərilir ki, Anatol Frans çıxışını bitirdikdən sonra bunlar oldu: Yazıçı Kralın əlindən mükafatı aldıqdan sonra zaldakıları heyrətləndirən bir şey elədi. Frans kürsüyə qayıdanda Kimya üzrə Nobel alan alman professor Volter Nernstın əlini dostcasına, uzun-uzadı sıxdı. Uzun illərdir müharibə edən iki ölkənin vətəndaşlarının bu simvolik addımını zaldakılar xeyli alqışladı.

# 4150 dəfə oxunub

Oxşar xəbərlər

Başqa həyat - Anar

Başqa həyat - Anar

12:00 14 sentyabr 2025
Çadrasını atan inqilabçı qadınlar... - Cəfər Cabbarlı niyə Sevili azərbaycanlı qızın oynamasını istəyirdi?

Çadrasını atan inqilabçı qadınlar... - Cəfər Cabbarlı niyə Sevili azərbaycanlı qızın oynamasını istəyirdi?

10:00 14 sentyabr 2025
Quran motivləri əsasında çəkilmiş 10 ekran əsəri

Quran motivləri əsasında çəkilmiş 10 ekran əsəri

15:00 13 sentyabr 2025
Mircəfər Bağırovun xəstə sevgisi - Xədicə Qayıbova ona niyə sillə vurmuşdu?

Mircəfər Bağırovun xəstə sevgisi - Xədicə Qayıbova ona niyə sillə vurmuşdu?

12:00 13 sentyabr 2025
Yarın yatar hər axşam qoynunda yaylığınla...  – Mir Kamilin şeirləri

Yarın yatar hər axşam qoynunda yaylığınla... – Mir Kamilin şeirləri

10:00 13 sentyabr 2025
"O məni qazaxlı olmağıma bağışladı" - Natəvan Dəmirçioğlu

"O məni qazaxlı olmağıma bağışladı" - Natəvan Dəmirçioğlu

15:00 12 sentyabr 2025
#
#
Ana səhifə Yazarlar Bütün xəbərlər