İngiltərədə 50 yaşdan yuxarı insanlara sığorta xidməti təklif edən bir şirkətin iki min nəfər arasında keçirdiyi sorğuda maraqlı nəticələr ortaya çıxıb.

Sorğuda iştirak edən hər on nəfərdən səkkizi “Hamı hiss etdiyi yaşdadır” desə də, psixoloqlar verilən cavablar əsasında qocalmağa başlayanların 50 ortaq əlamətini müəyyən edə bilib.

Həmin 50 əlamətlə tanış olmağa necə baxırsınız? Bəlkə siz də qocalmaq üzrəsiniz?

- Bədəninizin hansısa yerinin tez-tez tutulması

- Əyiləndə ağrımaq

- “Mən cavan olanda belə deyildi” demək

- Saçların tökülməyi

- “Bizim vaxtımızda…” ilə başlayan cümlələr qurmaq

- Tez-tez küsmək

- Radioların Top-10 siyahısındakı heç bir mahnını bilməmək

- Səs-küyə əsəbiləşmək

- Oynaqların ağrımağından şikayətlənmək

- Qulaqların, burnun tüklənməyə başlaması

- İnsanların adını yaddan çıxarmaq

- Polisə, həkimlərə, müəllimlərə “dünənin uşağı” kimi baxmaq

- Televizorun qabağında yuxulamaq

- Günorta yuxusuna ehtiyac hiss etmək

- Gənclərin nədən danışdığını başa düşməmək

- Texnoloji alətlərin istifadəsində çətinlik çəkmək

- Tablet kompüterlər, sensor ekranlı, smart telefonları işlədə bilməmək

- Daha çox şikayət etmək

- Eynəyi boyundan asmaq

- Yeni müğənniləri tanımamaq

- Televiziya verilişlərinin keyfiyyətindən şikayət etmək

- Belinə ağırlıq düşəcək deyə ağır əşyalar qaldırmamaq

- Tez-tez əşyalarını itirmək

- Televiziyada gənclər üçün nəzərdə tutulan verilişlərə baxmamaq

- Avtomobili yavaş sürmək

- Əşyaları hara qoyduğunu unutmaq

- Gecə əyləncələrindən çox evdə oturub nərd, domino oymağa üstünlük vermək

- Bir əşyadan ehtiyat üçün bir neçə dənə almaq

- Tarixi televiziya verilişlərinə maraq göstərmək

- Qonaq gedəndə başmaq, yaxud isti paltar götürmək

- Köhnə mahnılar verilən radiostansiyalara qulaq asmaq

- İçkidən tez sərxoş olmaq, daha doğrusu, bir stəkan içkidən sonra yatmaq

- Çölə çıxanda qalın geyinmək

- Tez kökəlib-tez arıqlaya bilməmək

- Bir cüt corab hədiyyəsinə də sevinmək

- Bəzən bir stəkan çayı hər cür içkidən üstün tutmaq

- Yola çıxanda termosda çay götürmək

- Tanımadığı həmyaşıdlarla rahat dil tapmaq

- Bağ, həyət işləri ilə maraqlanmaq

- Üzdəki qırışları azaltmaq üçün kremlər almaq

- Məqsədsiz, lazımlı və ya lazımsız olmağına baxmayaraq əşyaları yığmaq, bəzən gizlətmək

- Hava proqnozuna uyğun geyinməyə çalışmaq

- Evdəki əşyaların yerlərini tez-tez səhv salmaq

- Quş, yaxud hər hansı ev heyvanı saxlamaq

- Gənclikdə oxuduğu kitabları yenidən oxumaq

- Qulaqların böyüməyi

- Tarixi əsərlərin, abidələrin qorunmağının vacibliyi vurğulamaq

- Bəzən etik qaydaları yaddan çıxarıb, ürəyindən keçənləri qarşısındakının üzünə demək

- Daha çox məsləhət vermək

- Tez-tez gəncliyindəki məzəli, gülməli əhvalatları danışıb gülmək

• Əfqanıstandan Bakıya - Heydər Əliyevin göstərişi ilə əsərləri 100 min tirajla nəşr olunan yazıçı
• Üzümə töhmət olub "sən, sən" deyə yanmağım... - Gülsadə İbrahimlinin yeni şeirləri
• Sabiq teatr direktoru həbs olundu