Bu sualları yazıçı Marsel Prust hazırlayıb. O, bu sualları cavabları ilə bir yerdə dəftərə yazaraq dostuna doğum günü hədiyyəsi kimi vermişdi. O zaman Marselin cəmi 13 yaşı vardı. Sonra bu suallara Prust 20 yaşında ikən bir daha cavab yazdı. 7 ildə cavablar çox az dəyişmişdi. Lakin suallar Prustun ölümündən sonra tapıldı və çap edildi. Sualların indiki şəklə salınmasına Bernard Pivot ve Ceyms Lipton yardım edib.

Kulis.az Prustun suallarını xalq artisti Arif Quliyevə ünvanlayıb.

1. Ən sevdiyiniz söz hansıdır?

- Sevgi.

2. Nifrət etdiyiniz söz hansıdır?

- Rədd ol!

3. Sizi nə həyəcanlandıra bilər?

- İstəmədiyim bir hadisə.

4. Həyəcanınızı nə öldürə bilər?

- Özümü toxtaqlığım.

5. Hansı səsi çox sevirsiniz?

- Musiqi səsini.

6. Hansı səsə nifrət edirsiniz?

- Kobud səsə.

7. Hansı peşə (sənət) ilə məşğul olmaq istərdiniz?

- Öz peşəmlə.

8. Hansı fitri istedada sahib olmaq istərdiniz?

- Heç nəyə.

9. Özünüz olmasaydınız, kim olmaq istərdiniz?

- Elə özüm olmaq istərdim.

10. Harda yaşamaq istərdiniz?

- Öz evimdə.

11. Ən başlıca çatışmazlığınız nədir?

- İnsanlara inanmağım.

12. Sizin ən çox bəyəndiyiniz pis cəhətiniz hansıdır?

- Həddindən artıq çox sadəyəm.

13. Qəhrəmanınız kimdir?

- Həsən Turabov.

14. Çox istifadə etdiyiniz söyüş hansıdır?

- Mən ümumiyyətlə söyüş söymürəm.

15. Hazırkı əhvalınız (ovqatınız) necədir?

- Əla. Çox gözəl.

16. Həyat fəlsəfənizi hansı şüar ifadə edir?

- Dünyanı başa düşmək.

17. Xoşbəxtlik yuxunuz (xəyalınız) hansıdır?

- İnsanlara sevinc bəxş etmək.

18. Sizcə bədbəxtliyin tərifi nədir?

- İşini bilməyən öz dəyərini bilməz.

19. Necə ölmək istəyərdiniz?

- Dəyərli.

20. Ölərkən cənnətə getsəniz, Allahın qapıda sizə nə deməsini istərdiz?

- Xoş gəlmisən.

• Aktyor Möylə Mirzəliyevin vəziyyəti kritikdir
• Məşhur aktrisa vəfat edib
• "O, sanki azad olmağa can atan bir quşdur" - Valeh Ağayev