Qız Qalasının yanında yerləşən kitab dükanının sahibi Elman Mustafayevin bu yaxınlarda kitabı çap olunacaq. Bu barədə Kulis.Az-a Elman Mustafayev özü məlumat verib: “Kitab artıq çapa verilib. Bu mənim ilk kitabımdır. Kitaba cavanlığımda yazdığım şeirlər, aforizmlər, rübailər daxil edilib. Həm də Bakı Kitab Evində direktor olduğum zaman görkəmli adamlarla saysız-hesabsız görüşlərim olub ki, onlar haqda xatirələrimi yazmışam. Onların arasında görkəmli dövlət xadimləri, alimlər, şairlər, rəssamlar var. Məsələn, 70-ci illərdə Səttar Bəhlulzadə ilə o qədər söhbətlərim olub ki, onları vermişəm”.
"Kitab sərrafı" adlı kitabda E. Mustafayev haqda dünya mətbuatında yazılmış informasiyalar və 25-ə yaxın fotoşəkil də işıq üzü görəcək.
300 tirajla “Elm” nəşriyyatında çap olunacaq kitabın redaktoru Pərvanə Məmmədlidir.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
