"Üzümü bahalı qəzetlər arxasında gizlətmək vaxtıdı..." - Həmid Herisçinin yeni şeirləri

"Üzümü bahalı qəzetlər arxasında gizlətmək vaxtıdı..." - Həmid Herisçinin yeni şeirləri
22 yanvar 2024
# 17:00

Kulis.az Həmid Herisçinin yeni şeirlərini təqdim edir.

Atamı anası tanımadı... məni isə oğlum bəlkə tanımaya həyatımın ən son qapısında.

Cib bıçağımı bəzəyən adını göstərsəm ona, nə bilim... bəlkə oxşar Hollivud ssenarisinin təsiri ilə ürəyi səksəndi. Titrədi bir an.

Bu da bəsimdi, vallah.

Qızdırmaölçən qoltuqdan necə sürüşdüsə, ürək də beləcənə sındı, parçalandı daş döşəmələr üzərində.

Üzümü bahalı qəzetlər arxasında gizlətmək vaxtıdı

Oturursan xaricdə.

Bahalı otellərin foyesində.

Üzünü, özünü bu qəzetlərə daha çox etibar edirsən.

Nəinki yaxınlarına.

Dostlarına.

Qara eynəyini azca sürüşdür aşağı belə anlarda.

Bəlkə kimsə köhnələrdən tanıdı səni.

***

Çantamı sənə tapşırıb getdim gedərgəlməzlərə.

Ən düzgün hərəkəti bütün səhvləri buraxan kəs edəcək.

Yəni mən.

İncimə.

"Amerikano" üslublu barlarda axtardığını tapmaq çətin olacaq səninçün.

Xüsusən, axtardığın əgər insandırsa.

Bu cür barlar itmək, itirmək istəyindən yaranıb.

Orda bəlkə həəə... bir gün tapacaqsan məni.

Uzun masa üzərindən sürüşdürəcəksən pivə dolu qədəhi, "tam irəli!" kreyser sürəti ilə, mənə sarı. Mənə doğru.

Vaxtında əlim çıxacaq qaranlığın bağrından. O qədəhi qamarlayacaq.

Yaracaq zülməti.

Mesajını tökəcək qup-quru boğazına.

# 4863 dəfə oxunub

Oxşar xəbərlər

Ölüm ayağında Sakit okeana qaçan yazıçı - Yerli əhalinin ona verdiyi sirli ad nə idi?

Ölüm ayağında Sakit okeana qaçan yazıçı - Yerli əhalinin ona verdiyi sirli ad nə idi?

16:00 15 noyabr 2026
"Amerika modernizminin anası"nın səhrada tapdığı sirr - "Qarğalı kanyon"

"Amerika modernizminin anası"nın səhrada tapdığı sirr - "Qarğalı kanyon"

13:45 15 noyabr 2026
Bağırov onu kabinetinə çağırıb dedi ki... - Məşədi İbadı oynayan Əliağa Ağayev niyə Fəxri Xiyabanda dəfn olunmadı?

Bağırov onu kabinetinə çağırıb dedi ki... - Məşədi İbadı oynayan Əliağa Ağayev niyə Fəxri Xiyabanda dəfn olunmadı?

10:00 13 noyabr 2026
Kino tarixinin unudulmaz performansları -  Bədən dili və mimikayla rol oynayan ən yaxşı sənətkarlar

Kino tarixinin unudulmaz performansları - Bədən dili və mimikayla rol oynayan ən yaxşı sənətkarlar

15:00 12 noyabr 2026
"Keçmişimdən kimisə qucaqlamaq istəyirəm..." - Edamdan qurtulan Dostoyevski qardaşına nə söz vermişdi?

"Keçmişimdən kimisə qucaqlamaq istəyirəm..." - Edamdan qurtulan Dostoyevski qardaşına nə söz vermişdi?

12:00 11 noyabr 2026
Qəhvə taciri, silah alverçisi, kəşfiyyatçı, şair Artur Rembo - Homoseksual sevgilisi onu niyə güllələmişdi?

Qəhvə taciri, silah alverçisi, kəşfiyyatçı, şair Artur Rembo - Homoseksual sevgilisi onu niyə güllələmişdi?

14:00 10 noyabr 2026
Ana səhifə Reels Yazarlar Xəbərlər