Kulis.az Əlibala Əhmədovun yeni şeirlərini təqdim edir.
Dönüş
Küləkdə
titrəyən yulğunlara baxarkən
səssizcə
hiss etmək
qorxmuş ümidləri....
İndi əllərini yaş üzüm yarpaqlarına çırpırsan.
gülmək istəyirsən
sevgi süzülməsini
gözləyərkən...
***
Əsmər üçün xülya
Əllərimizlə
saxlamışdıq
axar su üzündə almaları.
tərpənir,
ovcumuza toxunurdular.
Və sən - gün şüasında qızarmış
yanaqlarınla....
***
Əsmər üçün
Uçan dənəciklərlə yağış -
qar kimi....
Kirpiyindən sildiyim dənəciklər
əlimdə
nəmə döndü -
xəyal etdim...
Birazca nəm - Tanrıya şükr etmək üçün hər şey...
Xoşbəxtlik üçün
Bağça.
Yayı xatırladan günəş.
Meyvə yeyən sevgilini xəyal etmək...
Qırmızı qabıqların
qoxusuna
toxunan bəyaz əllər....
Üzündə
kiçik arxın
suyunda soyuyan meh...
Bəlkə
Küləkdə tərpənən
yaşıl, qızılı otlar...
Yoğrula bilərdi, qorxular
yumşaq toxunuşlar
arasında...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər