Sənət

Ramiz Rövşən: "Dedi ki, sənə bir dəfə xəyanət eləmişəm"

Ramiz Rövşən: "Dedi ki, sənə bir dəfə xəyanət eləmişəm"
1 oktyabr 2023
# 14:25

Bu gün ustad şair Vaqif Bayatlının 75 illik yubileyidir. Xalq şairi Ramiz Rövşən bu münasibətlə Kulis-ə öz fikirlərini deyib.

Nə vaxtsa demişdim ki, "Vaqif məni səksəndirən axırıncı şairdir". Ondan sonra xoşuma gələn şairlər olsa da, Vaqifin dili, hisləri tamamilə başqadır.

İlk dəfə Vaqif mənə şeirlərini verəndə, elə yolda gedə-gedə oxudum. Çox sevdim o şeirləri. Onun şeirlərini oxuyanda, elə bil özümə qardaş tapdım.

Vaqif çox gözəl şairdir. Nazim Hikmətin bir sözü var:

"Daha söz sərxoş edə bilmir məni.
Nə özümünkü, nə özgəninki"

Vaqifin sözü elə sözdür ki, özünü də, içi mən qarışıq başqalarını da sərxoş edə bilir. Vaqif ən sevdiyim şairlərdən biridir. Ona can sağlığı arzu edirəm. Bundan sonra da gözəl şeirlər yazsın. Elə bilirəm ki, onun gözəl şeirlərini yenə də oxuyacağıq.

75 yaş şair üçün az yaş deyil. Amma Vaqif kimi şair üçün 100 də azdır. Arzu edirəm ki, hər gününü, saatını şeirə çevirə bilsin.

Yeni şeirlərini gözləyirəm.

Təkcə mən yox, çox adam gözləyir.

Mənim bir dostum var idi... Rafiq Həsənov... Rəhmətə getdi. Şair idi. Həm də mənim sadiq oxucum idi.

Bir dəfə söhbət edəndə mənə dedi ki "mən oxucu kimi sənə bir dəfə xəyanət eləmişəm". Soruşdum ki, necə olub? Dedi, Vaqiflə. O vaxt "Vaqif Cəbrayılzadə" idi. Hə, dedi, o vaxt Vaqifin kitabı təzə çıxanda düz iki ay o kitabı başımın altına qoyub yatmışam. Dedim, çox sağ ol, əccəb eləmisən, mən də o vaxt elə sənin vəziyyətində idim.

Onun bu sözü həmişə yadımdadır.

Vaqifin çox sadiq oxucuları var və mən də o oxuculardan biriyəm.

Kulis.az
Kulis.az
# 6386 dəfə oxunub

Oxşar xəbərlər

"Fikrindən gecələr yata bilmirəm..." - Məşhur "Ayrılıq" necə yarandı?

"Fikrindən gecələr yata bilmirəm..." - Məşhur "Ayrılıq" necə yarandı?

17:30 16 oktyabr 2026
Ölüm sığınacağına çevrilən sərv ağacları - Dünyanı sarsıdan tablonun pərdəarxası

Ölüm sığınacağına çevrilən sərv ağacları - Dünyanı sarsıdan tablonun pərdəarxası

16:30 16 oktyabr 2026
Azərbaycan ədəbiyyatşünaslığında azman imza - Onu niyə “Koroğlunun qələm dəlisi” adlandırırdılar?

Azərbaycan ədəbiyyatşünaslığında azman imza - Onu niyə “Koroğlunun qələm dəlisi” adlandırırdılar?

12:00 13 oktyabr 2026
"Nə yüngülləşdirici hal, nə də güzəşt tanıyan bir qadın..." - Dario Fonun sitatları

"Nə yüngülləşdirici hal, nə də güzəşt tanıyan bir qadın..." - Dario Fonun sitatları

10:00 13 oktyabr 2026
Sevgi, xəyanət, ümidsizlik... - Həqiqəti deyən qadını kim öldürdü?

Sevgi, xəyanət, ümidsizlik... - Həqiqəti deyən qadını kim öldürdü?

13:00 12 oktyabr 2026
Təbiətin ramedilməz enerjisinin kətanda təsviri - Moris de Vlamnikin məşhur əsəri

Təbiətin ramedilməz enerjisinin kətanda təsviri - Moris de Vlamnikin məşhur əsəri

13:30 11 oktyabr 2026
#
#
Ana səhifə Reels Yazarlar Xəbərlər