Dünyada ayaqlar altda yaşamaq... – Günün şeiri

Şahmar Əkbərzadə, şair

Şahmar Əkbərzadə, şair

30 avqust 2022
# 14:15

Bu gün Şahmar Əkbərzadənin anım günüdür. Kulis.az “Günün şeiri” layihəsindən şairin “Yollar” şeirini təqdim edir.

Ayaqla torpağın öpüşməsindən
Doğulub böyüyür yollar həyatda.
Tapdana-tapdana min illər boyu,
Ömür qazanıbdır ayaqlar altda.

Gəlimli-gedimli yol nəsillərin,
ölməz abidəsi, əmanətdir.
Tapdanmaq – insanın şərəfsizliyi,
Tapdanmaq – yolların ləyaqətidir.

İnsan qədəminə tamarzı qalmaq,
Yolların bağrına çəkilən dağdır.
Dünyada ayaqlar altda yaşamaq,
Bircə yollar üçün alçalmamaqdır.


1968

# 1004 dəfə oxunub

Oxşar xəbərlər

# # #