Bu gün Ağdamın işğalından 28 il keçəcəkdi… Keçmədi! Müzəffər Azərbaycan ordusunun qəhrəmanlığı sayəsində digər işğal olunmuş rayonlarla birlikdə doğma Ağdam da azad edildi. Kulis.az bu münasibətlə “Günün şeiri” layihəsindən əslən Ağdamdan olan tanınmış şair Qulu Ağsəsin “Ağdam şəhərim! Adam şəhərim” şeirini təqdim edir.

"Sən öl"ü, "sağ ol"u bəlli
yaranandan üzü bəri
yasında yasin oxunan
toyunda tüfəng atılan -
şəhərim!

Dünyanı bazara çıxaran
dünya bazarında satılan -
şəhərim!

• Şairlərimizin kitabları Türkiyə türkcəsində
• Toyuq günü - Oljas Süleymenovun hekayəsi
• "Danışanda böyük ədəbiyyat çağırışları edirlər..." - Polemika

Yuxarı başına keçən kafirə
yuxarıdan aşağı baxan,
Allahdan da çəkinməyən
bircə əsarətdən qorxan!
Ağ alınlı qızılı atların vətəni,
seyid cəddinə içilən andların vətəni!

Sən dar gündə
Şuşaya arxa,
Xocalıya ümid oldun.
Son nəfəsəcən döyüşdün,
son nəfərəcən şəhid oldun...

Ağam şəhərim!
Adam şəhərim!
Ağdam şəhərim!

Şükür külünə,
şükür qayıdış gününə!

Sevincdən ağlımız çaşıb
yüz min dəliynən gəlirik.
Bir "Uzundərə" havası çal,
çıx Bərdə yoluna -
Uzundərəynən gəlirik!..

• Şairlərimizin kitabları Türkiyə türkcəsində
• Toyuq günü - Oljas Süleymenovun hekayəsi
• "Danışanda böyük ədəbiyyat çağırışları edirlər..." - Polemika