Savaşdan əsgər məktubu - Cəlil Cavanşirdən təzə şeir

Savaşdan əsgər məktubu - Cəlil Cavanşirdən təzə şeir
5 noyabr 2020
# 11:24

Kulis.az Cəlil Cavanşirdin “Savaşdan əsgər məktubu” şeirini təqdim edir.

qan-qadalı savaşlardan dönəcəm,
qıra bilməz ümidimi güllələr.
xoş müjdəli zəfərlərlə gələcəm,
qalib kimi qayıdacam bir səhər.

bir az döyüş xatirəsi – dumanlı,
xoş gələcək, xoş ümidlər – bir qucaq.
qızım üçün saman saçlı gəlincik
oğlum üçün boş gilizdən oyuncaq.

bir də döyüş dostlarımın fotosu,
böyüdərəm, divarımdan asaram
döyüşlərdən, savaşdan söz düşəndə,
o fotoya baxaram, göz vuraram.

saçlarımda bir az barıt qoxusu,
qoxu gedər, ancaq bitməz qorxular
neçə müddət yuxu getməz gözümə,
gecələri kabus olar yuxular.

xoş müjdəylə qayıdacam, gözləyin
qayıdacam mən ümidlə, zəfərlə.
qayıdacam, hələ dözün səbr edin,
qayıdacam mütləq gözəl xəbərlə...

qayıdacam mütləq, məni gözləyin
ancaq hələ bu dağlarda savaş var,
körpələrin ümidini üzməyin
ya gec, ya tez, bitir bütün savaşlar...

# 4132 dəfə oxunub

Oxşar xəbərlər

"Təcrübə dovşanı kimi gündə bir palataya keçirirlər" - Hüseyn Cavidin ölümün qoynuna atılan oğlu

"Təcrübə dovşanı kimi gündə bir palataya keçirirlər" - Hüseyn Cavidin ölümün qoynuna atılan oğlu

15:00 16 sentyabr 2025
"Abyssalis" - Orxan Həsəninin yeni hekayəsi

"Abyssalis" - Orxan Həsəninin yeni hekayəsi

09:00 16 sentyabr 2025
"Kamal Abdulla milli-mədəni kodlar yaradır" - O, labirintdən niyə çıxmaq istəmir?

"Kamal Abdulla milli-mədəni kodlar yaradır" - O, labirintdən niyə çıxmaq istəmir?

15:00 15 sentyabr 2025
Başqa həyat - Anar

Başqa həyat - Anar

12:00 14 sentyabr 2025
Çadrasını atan inqilabçı qadınlar... - Cəfər Cabbarlı niyə Sevili azərbaycanlı qızın oynamasını istəyirdi?

Çadrasını atan inqilabçı qadınlar... - Cəfər Cabbarlı niyə Sevili azərbaycanlı qızın oynamasını istəyirdi?

10:00 14 sentyabr 2025
Quran motivləri əsasında çəkilmiş 10 ekran əsəri

Quran motivləri əsasında çəkilmiş 10 ekran əsəri

15:00 13 sentyabr 2025
Ana səhifə Yazarlar Bütün xəbərlər