Gözlərin:
islanmış kül kimi parıltılı,
çay qırağına qısılan köpük kimi oynaq,
dar pəncərəsindən uzaqlara boylanan
poçt qutusu kimi dərin.
Əllərin:
qum saatının ovucları kimi balaca,
teleqram kağızı kimi yumşaq,
əyilmiş qəddin kölgəsi kimi sərin.
Saçların:
köz işığı kimi qısa,
göz işığı kimi gur,
uçurum kimi tarım.
Dodaqların:
alov dili kimi nazik,
çörəyin içi kimi narın.
Özün:
yolumun qırağı kimi yaxın,
it hürən tərəf kimi uzaq,
külək kimi uzun.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər