Dominikan Respublikasının salsa və merenqe janrlarının tanınmış ifaçısı Conni Ventura ömrünün 82-ci ilində dünyasını dəyişib.
Kulis.az TASS agentliyinə istinadla xəbər verir ki, bu barədə “Hoy” qəzeti məlumat yayıb. Məlumatda bildirilib ki, ifaçının ölüm səbəbi ürəktutması nəticəsində baş verib.
Conni Ventura (Xuan de Dios Ventura Soriano) 1940-cı il martın 8-də Santo-Dominqo şəhərində dünyaya göz açıb. O, musiqi karyerasına 1959-cu ildə başlayıb. Həmin ildən ifaçı 50-yə yaxın albom buraxıb. Conni Ventura, həmçinin 1994-2002-ci illər ərzində Santo-Dominqo administrasiyasında müxtəlif vəzifələrdə çalışıb.
Xatırladaq ki, 2020-ci ildə ifaçı koronavirusa yoluxmuşdu.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
