Bakıda Ümumdünya Mədəniyyətlərarası Dialoq Forumu başladı

Sənət

Ana səhifə
Sənət

Bakıda Ümumdünya Mədəniyyətlərarası Dialoq Forumu başladı

7 aprel 2011

09:49

Lent.az-ın məlumatına görə, forumun açılış mərasimi “Gülüstan” sarayında keçirilir. Açılış mərasimində ölkə başçısı İlham Əliyev də iştirak edir. Ümumilikdə isə foruma 5 qitədən, 20 ölkədən 435 qonaq qatılıb. Qonaqlar arasında Avropa Şurası Parlament Assambleyasının prezidenti Mövlud Çavuşoğlu, İSESCO-nun baş direktoru Əbdüləziz bin Osman əl-Tüveycri, AŞ-nın sabiq baş katibi, Dünya İctimai Forumunun Beynəlxalq Əlaqələndirmə Komitəsinin sədri Valter Şvimmer, UNESCO və BMT rəsmiləri də var.

Forumun proqramına uyğun olaraq açılış mərasimindən sonra birinci sessiyada “Gəlin, dünyanı bölüşdürməyək” mövzusu müzakirə ediləcək. Forumda hər bir sessiya üzrə xüsusi müzakirə sənədləri olacaq. Mədəniyyət, incəsənət və irslə bağlı sessiya Azərbaycanın Mədəniyyət və Turizm Nazirliyi və Avropa Şurasının birgə təşkilatçılığı ilə baş tutacaq. Dinlərarası mövzu Avropa Şurasının Şimal-Cənub Mərkəzi, “Müasir medianın mədəniyyətlərarası dialoqun təbliğində rolu”, eyni zamanda “Mədəniyyətlərarası dialoqun müasir inkişaf prosesində rolu” ilə bağlı sessiya BMT-nin Sivilizasiyalar Alyansı, “Qadınların mədəniyyətlərarası dialoqda rolu” mövzusunda sessiyası isə UNESCO tərəfindən təşkil olunacaq. Bütün sessiyalarda Mədəniyyət və Turizm Nazirliyi bilavasitə təşkilatçı kimi iştirak edir.

Xəyalə Muradlı

2660 dəfə oxunub

Paylaş

Oxşar xəbərlər

50 mindən çox əsər yaratdı, kommunistlərə qoşuldu, şeir yazdı... - XX əsrin dahi rəssamı haqqında maraqlı faktlar

16:00 8 aprel 2026

Uşaqlıqda cinsi zorakılıqla üzləşdi, əsərləri qadağan edildi... - Prezidentin andiçmə mərasimində şeir oxuyan ilk afroamerikalı qadın yazıçı

15:00 5 aprel 2026

"Sən demə, ata öz arvadı ilə yenidən nikah bağlamaq üçün..." - Professor "Lal ev"dən yazdı

12:00 5 aprel 2026

Sənət