Ərdoğanın “eybəcər” dediyi heykəli üç rəngə boyadılar

Sənət

Ana səhifə
Sənət

Ərdoğanın “eybəcər” dediyi heykəli üç rəngə boyadılar

6 aprel 2011

16:00

Türkiyənin Qars şəhərindəki türk-erməni dostluğunun simvolu sayılan “İnsanlıq abidəsi”nin bir hissəsi kimliyi bəlli olmayan şəxs və ya şəxslər tərəfindən üç müxtəlif rənglə boyanıb.

APA-nın xəbərinə görə, bu barədə Türkiyənin “İhlas” Xəbər Agentliyi məlumat yayıb.

Abidənin rənglənməsinin səbəbləri barədə yerli sakinlər iki versiya irəli sürüb. Birinci versiyaya görə, abidə sökülməsinə etiraz olaraq boyadılıb. İkinci versiyaya görə isə abidə sadəcə diqqəti çəkməkdən ötrü rənglənib.

Abidənin sökülməsi ilə bağlı qərarı Qars Bələdiyyəsinin Məclisi bu il fevralın 1-də qəbul edib. “İnsanlıq abidəsi” adlanan və türk-erməni dostluğunun simvolu kimi təqdim olunan abidənin tikintisinə 2008-ci ildə başlanılıb. Lakin abidənin tikintisi yekunlaşmayıb. Türkiyənin baş naziri Rəcəb Tayyib Ərdoğan isə bir müddət əvvəl Qarsa səfəri zamanı bələdiyyə başqanı və digər rəsmilərlə görüşündə deyib ki, tarixi-memarlıq üslubuna zidd olan əcaib tikililər sökülməlidir. O, sözügedən abidənin də eybəcər olduğunu bəyan edib.